ساندويتشات سريعة ولذيذة وتاكلين الصينية معاها

السلام عليكم يا طباخات يا ماهرات..
الساندويتشات هذي واااااااايد لذيذة وكل اللي كلها أخذ الطريقة والحمدلله يعني تبيض الوجه..
إليكم المقادير:
بصلة
فلفل رومي أخضر بارد(وممكن تلونين على كيفك وذوقك) قطعيه شرائح طولية رفيعة
علبة قشطة
جبنة بوك أوكيري (اختياري)
مايونيز (اختياري)
دجاج مسلوق مع ملح وفلفل ومنتف (حلوة منتف )
خبز لبناني
ماجي مكعبين
الطريقة:
اقلي البصل في القليل من الزيت ثم أضيفي الفلفل بألوانه أو بلون واحد كيفك..
أضيفي الدجاج واخلطي جيدا..ثم ضعي حبة الماجي
الآن حطي القشطة وخليها ثواني على النار ثم ارفعيها عن النار واستمري في الخلط..
إذا كنت حابة تحطين مايونيز وجبنة أضيفهم قبل الرفع عن النار بس لا تخلينهم وايد علشان ما تحترق الجبنة..
الأن بعد ما خلصنا الخلطة الداخلية نأتي للخبز..
نذوب مكعب ماجي في الماء (وممكن استخدام الماء اللي سلقتيه في الدجاج أفضل)
ثم نقطع الخبزه نصفين ونفتحهم كاملين يعني الخبزة كلها تكون لكم أربع قطع..
ثم نغمس الخبز في الماء السابق ونحشيه بالخلطة السحرية ونلفه على شكل اسطواني..
بعد ما نخلص الخبز اللي عندنا والحشوة نحط عليهم من فوق قشطة (وجبنة ومايونيز إذا كنت حاطتهم من قبل)
وندخل الفرن حوالي 8 دقائق..
كلوا وادعولي..
لتوفير الوقت ممكن تخلطين القشطة والجبنة والمايونيز في وعاء من الأول وتستخدمين شوية مع الدجاج وشوية للتلبيسة الخارجية..
أنا كتبتلكم بالتفصيل الممل علشان الأكلة تستاهل..
جربوا وادعولي

اسطورة حلم

الله يسامحك يا شيخه

جوعتيني

مشكووور يا غاليه

يم يم

وشو اللي بينشب لحد يسوويها>>نوت عليهاا

اسطووره يااقمر انتظرك اول يووم بالصينيه

اشكرك على طرحك اللذيذ

اميرة الورد

رووووووووووعه مررررررررة اسطورة حلم مشكووورة والله مو جيعانه بس جوعتيني غصب عني

هههه

الله يعطيك العافيه

» ساندويتشات الايس كريم
» تعاااااالو نتعلم اللغة الصينية.. حركتات للتحاف