كيكة سبونج بوب

موضوع: كيكة سبونج بوب الأحد مارس 27, 2011 4:49 pm

اعملو الكيكه بالطريقه اللي متعودين عليها بس

وهذه مقادير التزيين .....

اول المقادير

اي كيكة مضبوطة عندك تسوينها بصينية مستطيلة (انا استخدمت صينية صغيرة )
بعد ماتبرد عدل يتساوى سطحها( يعني السطح اللي نخبز وارتفع من الجهة الاعلىنشيلة بسكين علشان يصير مسطح )
2-سباتولا راسها ضعيف اوسكين
3-الوان طعام(احمر-اصفر-اخضر-ازرق-اسود-بني او شوكلا بني)لابد من الالوان بعضهم شريتهم من تافولا
4-شوكلاتة خام ابيض 500 جرام(لاني استخدمت صينية صغيرة وطبقة وحدة بس كل ماكبرت الصينية الشوكلاتة راح يزيد الكمية)
5-القليل من كريمة الخفق
6-طاسات صغيرة لوضع الشوكلاتة فيها
7-عود اسنان او سكينة
8-مايكرويف واذا ماوجد ممكن تذويب الشوكلاتة على دبل بويلر يعني قدر فية ماء فوقة طاس ستاليسستيل اكبر من القدر ويتشغل على القدر حتى الماي يغلي وتحتر الطاسة ومع التحريك تذوب الشوكلاتة المقطعة
9-كيسين جديدين بلاستيك لحفظ اللحوم
الشغل
1- بعد التأكد من برودة الكيكة من حرارة الفرن واستواء سطحها تكون مقلوبة على وجها(اللي لاصق بالصينية نخليها هي اللي فوق لان سطحها بيكون متساوي بشكل جميل)مقلوبة على شبك اذا وجد(انظف للشغل)

2-نذوب كمية 300غرام شوكلاتة بيضاء

طريقة تذويب الشوكلاتة
نقطع الشوكلاتة قطع صغيرة بالسكين بشكل عشوائي
*اذا بنستخدم القدر للتذويب راح ياخذ وقت شوي بعد مايغلي الماء نخلي النار وسط ونضع علية الطاسة اللي فيها الشوكلاتة ونحرك بشوكة او سلك معدني لين تذوب الشوكلاتة مع الاستمرار بالتحريك

*باستخدام الميكرويف نضع قطع الشوكلاتة بزبدية ونشغل الميكروييف لمدة ثانية ونطلع الزبدية ونحرك لين يذوب الشوكلاتة اذا بقى شوكلاتة ماذاب نرجع الزبدية الى الميكروييف ونشغل مدة بسيطة ونحرك وكذا لين ماتذوب الشوكلاتة كلها ولانولع عليها المايكرويف مرةوحدة وبعدين بتغلي بيتغير طعمها

3-نضع نقط من اللون الاصفر الى الشوكلاتة المذابة ونحرك حتى يمتزج اللون جيدا بالشوكلاتة(نضع عدد من النقط حتى تصبح الشوكلاتة اصفر فاقع جميل)(انا اضفت القليل من كريمة الخفق السايلة ومزجتها معالشوكلاتة بس شوي عشان حبيت امهل فيها شوي للتزيين فما بغيتها تنشف وتقسى بسرعة-بس مو كل ما اذوب شوكلاتة احط معها كريمة بس اللي احسةصاير ناشف مرة)

هاذي الخطوة بنكررها مع تذويب كميات الشوكلاتة بس بشكل اصغر يعني لما ابغى الون الفم بيكون لون احمر ما اذوب كمية كبيرة من الشوكلاتة لاني راح احتاج كمية بسيطة وكذا
يعني كلما بغيت الون شي اخذ كمية من الشوكلا واذوبها واضيف اللون واخلط والون وليس اني اذوب كمية الشوكلاتة كلها راح تجمد شوي شوي حسب احتياجي فقط
هنا انا غلطت وسويت200غرام بس فبس غطيت اعلى الكيكة فقط

4- نصب الشوكلا الصفرا بسرعة على وجة الكيكة ونساويها بسباتولا او ظهر سكين(نحاول نخلي طبقة الشوكلا كلها متساوية وتغطي الكيكة كاملة بالتساوي يعني مو جهة جبل وجهة هضب والثالث وادي

5- الخطوة هاذي مهمة واحس انها اللي بهذلتني شوي(الا وهي رسم الوجة)انا رسمت شوي وقعدت الون وارسم والون كذا يتعب شوي وممكن انسى ارسم شي(مثلي نسيت ارسم الوجنتين والبنطال)

فاحسن شي بعد مانصب الشوكلا الصفرا نخلية دقيقة تتماسك شوي وبدون ماتيبس وتقسى مرة

بعود اسنان او طرف السكين نرسم من تحت لفوق

1-اول شي الجزء السفلي من [url=http://www.walah-m.com/vb/t17430.html]سبونج [/url]بوب البنطال والكرفتة والقميص الابيض وننتبة ان يكون القميص متوازي للكيكة(غلطتي شوي مايل)

2-نرسم الفم الضاحك مع مراعاة انة يكون كبير باسم والوجنتين جنبة مع اللسان والاسنان داخل الفم )واذا غلطنا بالرسم نحاول نعدلة مدام الشوكلا بعدها ماتقسى

3-نرسم العينين الكبيرتين جنب بعض لزق
ويكونوا فوق الفم مباشرة مع مساحة للانف(انا استخدمت قطاعة الدونات لرسم حدود العين الخارجية باني امسك القطاعة بيدي اليسار واضعها على الكيكة واضغط ضغط خفيف حتى تثبت واحدد بالسكين (لاني كانت قاسية فحتجت ارسم بالسكين من قلب فاتوقع انتو تحتاجوا بس ضغط)

داخل العين(العين الزرقاء استخدمت راس تزييني مقلوب علشان يعطيني دويرة مناسبة(طبعا الدويرة الصغيرة اللي بتنرسم منقطاعة الدونات ما نبغيها لانها ماراح تعطيني شكل قريب لسبونج بوب اللي نعرفة فنستخدم اي شي يعطينا دويرة مناسبة موشرط راس تزيين العينين الداخليتين قريبتبن من بعض اللون الاسود ما رسمتة بالبداية لانة راح يتغطىباللون الازرق فيرسم بالنهاية

ولاننسى نرسم الرموش

كذا رسمنا الشكل طبعا الحين مرسوم بس بدون الوان

الصورة فقط كيف وضع القطاعة على الكيكة ماتذكرت الا بعد ما خلصت
6-نحط الكيكة بالثلاجة حتى يجمد الشوكولا وتصير طبقة قاسية(موتثلجوها )

هاذي الخطوة حلوة للتلوين يعني لو لونتي وطلع شوي برة تقدري تمسحية بدون بهدلة وتعدلي براحة اكثر لو ان الشوكلا الصفرا مو يابسة

7-نلون الفم بشوكلا حمرا غامقة شوي (شوكلا مذابة ومخلوطة مع لون احمر وشوي اخضر او حسب مذوقك) طبعا بس الفم يعني الاسنان لا و لا اللسان

8-ناخذ شوي من الشوكلا الحمرا ونذوبها مع شوكلا بيضا حتى تعطيني لون وردي فاتح ونلون اللسان

9-ممكن ناخذ من الخليط اللسان ونعدل اللون شوي ونلون الوجنة(طبعا نحطة بكيس البلاستك الشفاف لحفظ الخضار او اللحم ومقصوص من طرف قصة صغيرة يعني فتحة صغيرة ونعصرة على الوجنة بس رسم حدود وليس تلوين

10-ناخذ من الشوكلا اللي فوق ونعدل لونها مرة ثانية للتناسب مع تلوين الكرفتة او نسوي شوكلا بلون الاحمر المايل الى العنابي ونلون الكرفتة

11-ناخذ شوكلا ابيض بس هالمرة كمية شوي بس مو كبيرة ونذوبها ونلون القميص(طبعا الرسومات اللي فوق القميص راح نرسمها بعدين(الكلر-الخطوط السودا

ومن نفس الخليط نلون العينين لكبار بس بدون العين الداخلية(استخدمت السباتولا وبعدين حسيت اسهل لو استخدم الاصبع وطلع اسهل لي مع استخدام كمية محترمة من الشوكلا للعين\

لاحظي معي العين غلطت برسمها وكانت الطبق الصفرا جامدة وكنت مستخدمة السكين فماطلعت مرتبة بس مع التحديد صارت احسن فالرسم والطبقة الصفرا موقاسية افضل

لاننسى الاسنان نلونها بابيض بعد

11-كمية صغيرةمن الشوكلا ملونة باخضر
نضع دوائر غير منتظمة الشكل بوجة الشخصية
انا سويتة وبعدين شلت نصة خفت مرة ثانية باحطة لانه من وجة [url=http://www.walah-m.com/vb/t17430.html]سبونج [/url]بوب وعلامة لة

13-الشوكلا البني نلونة للبنطال

14-شوكلا ملونة بزرق لداخل العين
15-اهم خطوة بالنسبة لي لانة راح تحدد مظهر [url=http://www.walah-m.com/vb/t17430.html]سبونج [/url]بوب وتظهر بشكل جميل ومرتب وهي الزامية برايي

شوكلا سودا يعني نحط اللون لين يصير الشوكلا اسود وليس رصاصي نحطها بكيس البلاستيك لحفظ الخضار ومقصوص بالطرف قصة صغيرة(الشوكلا سائل يكون افضل يعني نخففة بكمية صغيرة من لكريمة بس مو نخلية ماي بس سائل يمدينا نحدد بة وبعدين يجمد

نحدد وجة الشخصية كما الصورة وهاذا اللي راح يطلع الشكل الاخير يعني بدونة كانها وحدة حاطة مكياج ثقيل بدون كحل

انتبهوا تكون الفتحة صغيرة موزي حلاتي

يفضل وضعها بالثلاجة علشان تجمد وبالعافية لاتنسوا نلون داخل العين بالاسود

وهاذا المعرس

يقول لكم هااااااااااااااااي

أإأإأإبدآآآع وقسمن ..

عأإأإد انا اموت بهالشخصيه ..

يسلمو غنااتي ولا عدمتس ..

صفووقه ..~

وش ذا الضيع ؟؟؟؟؟

هاتي الكيكه كذيه من شي حاااف يعني

ههههههههههههههههههه

بعدين اشوف فيه ظاهره بالمنتدى الوحده تجي وتصور لي الطووووورطه

}}}وااااو والكلمه ادري انها غبااااااار من زمان لكن جت في بالي حلفت لاسدحها

خخخخخخخ

المهم

وين بنات المنتدى يوم الوحده تنزل لي الصوره سويها اذا كان فيك خي واعزمي والله لاجي

}}الريوس مفصوووول خخخخخخخ

االموووهم خجوله سويها لي بدون ذا التزيين وفكونا من سبونج بوب ذيه اللي دمرنا

خخخخخخخخخ

تشكرااااااتي خجوله
نااااااااايس الطورطه اقصد الكيكه }}مسوي كوووول نايس هاه

ههههههه[i]

نـــَـــآيسووو ..

تسلم الآيــآدي (( ‏ѕнчܔ))

لآهنتي ..

قــموره..}

ههههههههههههههههههههههههه

لعيونك ماعندك روح الابداع ..

وااااااااااااااااو تجنن يا خجوله

تسلمين شهيتينا

يسلمووو خجل بس ايشسسمه صدقو اني باسويها

قسم ان تدخل علي امي وتشوفني اخوض ان تمصع اذني بتقول سويي كيك عايله والا ارتاحي ههههه

لعلووع طورطه هاه كيكة سبونج بوب 524490

تقبلي مروري آنستي كيكة سبونج بوب 926484

تسلمين خجوله

يعطيك العافيه

تقبلي مروري

.؛. حـلاوتـي بـرقـتـي.؛.

~

اشكر الجميع على اتحاف موضوعي بوجودكم وان شاء الله نال رضاكم كيكة سبونج بوب 926484

عوآفي ~

» كيكة القرفة بالبسكوت
» كيكة التوفي لمنال العالم ..
» كيكة القوس قزح
» كيكة الجالكسي
» كيكة باسكن روبنز