ريوومه الصغنونه هناااا .

My Childhood

الـــســــلام عــــلــــــــــــيـــكم....

هآآآآآي قآآآآآآآآآآآيز ,,

كيفكم ان شالله بخيرات,,,

انكرتكم هاجدين لا سوالف ولا ضحك وش جاكم ظني انها عين وصابتكم,,,

فيني طااااقة سوالف هااااائله من بعد الاختبارات,,,

اعيروني انتباهكم شويتين ودي اسولف معاكم,,,واكشف المستور عني,,

رح اكلمكم عن طفولتي اللي كانت مرررره مؤلمه ,,مو مؤلمه لي لا كانت مؤلمه لغيري ,,يارب سامحني,,,

بداياتي كانت في سن خمس سنوات تقريبا والله يوم يقولون لي عن اللي كنت اسويه في خلق الله اقول وش ذا هاذي تصرفات عفاريت مو آوادم,,,

صاروا الحريم اللي يعرفوننا يجون بلا عيالهم الصغار,, والسبب مني انا واخوي اللي اكبر مني بسنه مسوين ثنائي ارهابي رقم واحد,,,

اكيد تتسائلون عن اللي كنا نسويه في عيالهم الصغار واكثر الاحيان يكونون اصغر مني انا واخوي حتى الصغار اللي لسى ماقد مشوا ما سلموا منا

امممممم ع الكلام اللي وصلني عني اني كنت متخصصه عض وحرب نفسيه واخوي تعرفون كيف ضرب الاولاد من تبقيس وتشويت متعلم على يد المصارعه الحره ,,,

وكانت مستحيل أي وحده تسير علينا تروح من عندنا وولدها سليم معافى,,,والله ان امي كانت تتفشل منا مجرمين وكانت ما تقصر فينا بس "دء المي وهيا مي" يعني صبه رده لا نسمع ولا نفقه ناخذ الضرب ونطلعه من عيون عيال جماعتنا,,,

سكنا في بيت جديد,,,هذا يعني جيران جدد ما يعرفونا واكيد بيجون يتعرفون علينا,,,وفعلا بعد فتره تجمعوا حريم الجيران عندنا وجابت وحده منهم ولدها الصغير وانا واخوي قد ابطينا ما شفنا عيال صغار يا دلبهم Twisted Evil

>>يومآآه

جات جارتنا وحطت ولدها الصغنون في غرفتي انا واخوي وكان لسى ماقد مشى وحطته في المشايه وراحت وخلته,,,

اخوي قعد يلعب بالاتاري (اكيد تعرفونه),,,

وانا قاعده الاعب الصغنون يهبببل انجنيت فيه ,,من زود الحنيه اللي فيني قلت الا امشيه ف الغرفه وادف المشايه شوي شوي بس تحمست وزااااادت السرعه وافحط فيه ف الغرفه والولد يبكي بس خلاص خرجت عن السيطره فاني اسوي فيها حركات ابغاه يسوي خمسات فدفيته على لف يعني يدور ويفحط وشوي الا وهو منقلب رجوله فوق وراسه تحت وفحم الولد وجاات امه تركض وامي معاها ودخلوا علينا وقامت المره تسكت ولدها وتسمي عليها بغى يروح فيها وبعدها معد جابت ولدها عندنا>>ما تنلام ريوومه الصغنونه هناااا *.* 695782

وامي سالتني من اللي سوا كذا؟

وانا بكل برااءه أأشر على اخوي المنشكح ع الاتاري lol!

فلقطت امي سلك المسجل ومرغته الين حب الارض ,,,ولا تسالون ايش صار لي من اخوي؟ ريوومه الصغنونه هناااا *.* 736597

كبرت انا واخوي ودخلنا للمدرسه بس لسى اللعانه تكبر معانا وصارت عندنا العاب جديده ومتخصصه لتعذيب عيال جماعتنا وهي.......

لي بااااااااااااااك ارقبوني فاصل هجوله ونرجع هروووووله ريوومه الصغنونه هناااا *.* 62187

هههههههههههههههههههههههههههههههههه

انا في وجه الله من ذا الاجرام يا ريمااااا

الحمد لله اني ما جيت جارتكم الى لين عقلتي ... وتغطيت من اخووش ...

وربي تجننووووووون وخبااال اقوووى شي ...

ورينا الباارت الثاااني حدني متحمسه ..

صفووقه ..~

هههههههههههههههههههههههههههههههههههههههههههههه

مره تجننون بس وش ذا عثيتو في الارض فساد انتي واخوك

الله لا يجعلني صغرون عندكم
خخخخخخخخ
مبدعه من يوم يومك ريومه

ننتظر البارت الثاني
اعجلي ..........

وااااي
ههههههههههههههههه
بس لو يعرف مكانك الولد الحين ههههه
بيجي يذبجك

يله ريومتي ننتظر البارت
من مغامرات ريمااا
خخخخ صارت مسلسل

باااااااااااااااااااااكو,,,,,,

ايش وقفنا عنده ؟؟؟؟؟

ايه تذكرت اللعبه اللي كنا نفرغ فيها طاقاتنا انا واخوي في عيال جماعتنا,,,

اول شي إذا تجمعنا مع جماعتنا في بيت أي احد يجيكم اخوي ويقول ياللا يا عيال خلونا نلعب لعبة "طف اللمبه" ,,,

ويجيكم العيال يا حليلهم يتجمعون في ثواني علشان اللعبه ما يدرون بنياتنا ,,,ناخذهم في وحده من الغرف ونقفل الستاير زين ونقفل الباب بالمفتاح يعني مافي خرجه ,,ونطفي اللمبه بعد ما احفظ انا واخوي اماكنهم زين وبعد ما يطفى النووور لا تسالون ايش يصير جوا الغرفه ومحد يدري بالشعب اللي جوا ههههههههه ما ينسمع الا صياحهم وبكاهم,, ونوقف اللعب اذا طلعنا اللي في روسنا مع ان اغلب الاحيان ما نشبع بس نظطر نوقف اللعب اذا زودناها شوي ويمكن تجي فيها اسعاف ومطافي خ1,,,,ويطلعون الورعان من الغرفه مو نفسهم اللي دخلوها ,,احنا يومنا نطلع مواهبنا جوا ما نطلع صوت كذا ع السكيتي علشان ما ننكشف واذا طلعنا نخوش اشكالنا يعني حتى احنا انضربنا ونتباكى ونشتكي ومدري شنو علشان كذا محد يدري باللي نسويه,,,

هاذي شويه من الفضايح والجرايم اللي كنا نسويها انا واخوي,, يا دلبنا كانت طفولتنا بريئه>>ايه واضح,,

طيييييييييييييب,,

اقولكم الحين عن التصرفات اللي كنت اسويها ومدري ايش طلباتها ؟؟ما ادري ايش اقول عن نفسي وايش اوصف اللي اسويه,,

فوووق اني معذبه جسديه معذبه نفسيه بعد,,,اجيكم وامسك أي واحد من عيال جماعتنا ,,ولازم ما يكون فيه الا انا وياه لحالنا,,,ويكون صغير اصغر مني ,, وامسكه في زاويه بطرف بلوزته واجيكم انفضه واهاوشه واقول::لييييييه؟؟ ليييييه تسوي كذاااا هااااااه؟؟انا وش قلت لك قبل هااااه يا غبي يا حيوان يا......>>طييييط مشفر
وعلى ذا الاسئله وما اسمع منه الا والله ما سويت شي ..وش سوييييت؟؟ وما افكه الا اذا بكى وبعدها اضحك واقوول خخخخخخخاي صادوووووووه>>تعلموا المقالب من ريومه ريوومه الصغنونه هناااا *.* 561799

ووووايشسسمه من التصرفات الداقله اللي كنت اسويها يوم اسمع الجرس يدق

اجيييكم صاااروخ من آآخر البيت وارد ::ميييين

فيقول::فلانه ابوك موجود؟؟,,فارد عليه :: لا مو موجود ايش تبغى؟؟,,فيقول ::تعالي انا خالد اطلعيلي باعطيك شي,,(هذا خالد توفى قبل اسبوع الله يرحمه ويسكنه فسيح جناته)

واجيكم اركض مع الحوش وافتح الباب واطالع فيه من ورا الباب اسوي فيها صمله من بعيد واقول::هاااه ايش عندك كذاب ما معك شي >>الله الله ع الاسلوب

فيقول :: العب عليك بس ابغى تسلمين علي تعالي ,,,فاقول ::مافيه كم تعطيني اذا سلمت >>ركزوا على "كم" (استغلاليه)

فيطلع لي ريال ,,ومايعجبني واقوله :بس ريااااال؟؟؟,, وكل ماله يزيد اليين يوصل عشره وقتها اروح له وانا اسحب رجولي وابوسه من طرف خشمي وآخذ الفلوس وارجع للبيت ,, وهاذي الطريقه في كسب الفلوس كنت اسويها مع اغلب خويا ابوي يعني اذا عندك فلوس ابوسك ما عندك احلم,, وابوي كان عنده هذا الشي عادي ,, يا طر جيب العدو والله لو ادري ان اختي الصغيره تسوي ذا الحركات ان تشوف شي ماقد شافته ,,,

وكل مالي اكبر واكبر واللعانه تقل نوعا ما ,,فيه سوالف كثيره عن اللي كنت اجرم فيه مع خلق الله بس الوقت ما يسعني اذكرها كل ابوها

بس اتذكر شي كان اخوي يسويه وما انساه بحياتي كل ما اتذكره اموت من الضحك الله يقطع سواليفه كان يمسك عيال جماعتنا الصغار وهو كان في ثالث ابتدائي وانا اراقب الطريق له

كان يمسكهم ويقول ::يالله حبايبي جبتلكم حلويات والله ما اكذب شوفوها في يديني,افتحوا افوامكم وغمضوا عيونكم واتحداكم تعرفون ايش نكهتها ,,

وياقلبي عليهم ما يصدقون خبر يفغرون ويغمضون عيونهم ويجيكم اخوي يدخل اللي في يده في فمهم ,,وبعدها يصيحون ويبكون ويتفلون ومنهم من استفرغ ,,تدرون وش كان يحط في افوامهم ؟؟,,كان يجمع بعر الغنم (الله يكرمكم) ويتعب وهو يجمعه بس علشان يعذب عيال جماعتنا ويتعجب فيهم ويضحك,,,,

المصيبه حتى رجال جماعتنا ماسلموا من لعانتنا ولقافتنا راجعه لكم اخبركم شنو كنا نسوي بهم ,,,,,,,,,,,,,,,,,,,,,,

لي باااااااااااااااااااااااك ارقبوني فاصل هجووووله ونرجع هرووووووله

ههههههههههههههههههههههههههههههههههههههههههههه
والله والله منتو صاااااااااااحيين
بس قسم(ن) بالله انكم تجننون
مررررررررررررررره طفووووووله بريئه >>(( من وراء تندحه البراءه)

انتظرك لا تتأخرين ياعمري انا يالبريئه
lou1

خخخخخخخخخخخخخخخخخخخخخخخخخخخخخخخخخخ

وربي انكم مهبل

كم اذنبتوا في الخليقه ..؟؟

يا ويلي ع السالفه الخطيره .. لا اخوش خطيييييييير وربي ..

طيب وش كنتي تسوين بالباقين ..؟؟

ننتظر ..

بااااااااااااااااكووووووووووو

لا تستعجلون يجيكم العلم,,,,

السالفه يا طوال العمر والسلامه انكم اكيد تعرفون مدينة تبوك طفولتي الحلوه كانت فيها الله يسقيها من ايام,,,

المهم انه اذا جا شتا تبوك وما ادراك ما شتا تبوك في قممممة البرد ومافي امل تطلعون من البيت ف الليل بس كانت طلعاتنا مع جماعتنا ف النهار ,,نتجهز من صلاة الصبح ونمشي على اماكن كثيره اللي اتذكره مكان اسمه جبال رايس (مدري السبلينق صح والا؟)

المهم جبال تبوك عليها اشكال غريبه يعني مو مثل جبال الجنوب ,,عوامل التعريه لها اثر ع الصخور الكبيره ,,كان صعب انك تتسلق فيها,, بس مافي شي يصعب علينا,, تسلقنا فيها ومعانا شوي من عيال جماعتنا,,ويوم قد حن فوق الا ونسمع الرجال يصيحون ويقولون انزلوا ومدري شنو,,كل ذا خوف علينا ,,المهم اكيد انا طنشناهم,,شوي الا وواحد منهم اسمه علي ,,هذاك الرجال من جد ايش طلباته ف الحياه احسه دقله هو وجاكيته اللي ما يفارقه لا صيف ولا شتا ويتطبز آخر طبزه ف البر المهم اني اشناه ,,قام يسوي فيها انا اللي بانزلهم بس عياله مو معانا يعني وش دخل اهله ,,يتسلق شوي شوي وخايف لا تخرب الكشخه يوم وصل اخيرا فوق عندنا وكان متمسك بيده يبي يرفع نفسه علشان يمسكنا ,,وكانت اصابعه عند رجليني ,,فوسوس لي الشيطان اني ارصع اصابعه مدري وش الحاله الصعبه اللي جاتني صرت ما اشوف الا اصابعه وفعلا دوست على اصابعه واخوي يحاول يفك اصابعه يعني انا على يد واخوي على يد والرجال يصيح ويهدد ومدري شنو بس ما طول وهو متعلق شوي الا وهو طاااااااااااااااااااايح مكاااااان ما تسلق معه ,,واحنا نضحك نحسب السالفه هينه الرجال راح للمستشفى مدري وش جااه ظهره وجاكم ابوي بالعقال مرغنا الييييييين قلنا كان, الله لا يسقي هذاك اليوم ,,,,

اممممم وكمان من المواقف اللي صارت معنا وكنا نعقد جماعتنا كبيرهم وصغيرهم كنا نزعج جماعتنا وندقدق على تليفوناتهم بعد ما نتاكد ان ماعندهم كاشف ,,كنا نتصل واذا ردوا يجيكم اخوي يطلع اصواات غريبه لاهي حيوانات ولاهي شي طبيعي كان اخوي خارق ماشاالله عليه هههههه وكان اللي يرد علينا تجيه الامراض العصبيه كلها ويجينا سب وكلاااام بس مو مهم بس في مره من المرات رد علينا الرجال اسمه عبد الرحمن (كم كنا نعقده من اسمه كنا نغني قدام عياله ونقول عبد الرحمن ف التكسي يشرب حليب ويـ...>>طييييط مشفررر) وكم كانوا عياله يبكون مقهورين على ابوهم بس مافي يدهم حيله ريوومه الصغنونه هناااا *.* 62187

فيوم رد علينا فقال مامعي الا شي واحد علشان يخوفنا معد ندق عليهم فانه يوم رد قال ::الوو انا الشرطه ,ههههههههههههههههههههه ايش جا من الضحك هذاك اليوم مع انا صغار بس نقدناه,,

ودقينا يوم من الايام على ناس ثانين>>متعوب على ثانين ريوومه الصغنونه هناااا *.* 524490

ورد علينا ولدهم الكبير عبدالله فرفعنا ضغطه اليين قدهو بيبكي فانه يقول من انت يا حيوان انت محمد صح ؟؟(محمد ولد عمه نسميه ملطشة عبدالله حظه ملعون وين ما يروح استغفر الله والله اني ارحمه)

فتعرفون اخوي مو نذل ولا شي فقال: هييييي يومااه عرفني ,, وقفل بعدها ريوومه الصغنونه هناااا *.* 478467

وتجمعنا احنا واياهم وعيال عمهم فقابل عبدالله محمد وايش جاه محمد هذاك اليوم من تسطير عالمي والولد يصيح ويقول والله مو اناااا ,,بس خلاص عبدالله خرج عن السيطره وانا واخوي نتفرج فيهم من بعيد مالنا شغل عيال عم ويتفاهمون ههههههههههههه lol!

وتمضي الايااااااااااام والشهووووور والسنييييييييين وصرت في خامس ابتدائي واخوي في سادس ,,,صرت انسانه سويه همها اللعب والوناسه وبس ,,,,

هاذي السنه رح اسميييييها اممممممم سنة (الحب والحبيبه),,تخيلوا عاد البنت الملقوفه المتولدنه اللي ما خلت تسبد بارده تنحب؟؟,,,,آآتييييييكم لاحقاً بالتفاصيل تؤبروا البي

لي باااااااااااااااااااااك ارقبوني فااااصل هجوووووووله ونرجع هروووووووله

وااااااااااااااااااااااااااااااااااااااااااااااااااو
واااااااااااااااااااااااااااااااااااااااااااااااااو
من جد منجد روووووووووووووووووووووووووووووووووووووووووووووووووووووعه
بسرعه لا تطولين
انتظرك على احر من الجمر ...........

ههههههههههههههههههههههههههههههههههههههههههههههههههههه

خباااااااال اقووى شي

يلعني فيش يا ريماا الرجال جا ينقذكم وانتي ماغير ترصعين اصابعه ..

ياطر جيب العدوو

بس ما الومش دام هذا اخوش .. يالبى وربي انكم تهبلون ودي اني معكم واجرم في الخليقه

ههههههه..

وربــِــي أنـك تجننون انتي وأخـــُــوك..

خبآآل من جد..

مــبدعــْــه دووم ريـــومــَــه..

لـــكــِـ..

قمـــورة..}

هههههههههههههههههههههههههه
يسعدك انتي واخوك
مبدعه ومتميزه دووووم ريومتي
تحياتي لك يالغاليه
.....وحيدة كالقمر....

مرسي ع مروركم يالغوالي وربي احبببكم ريوومه الصغنونه هناااا *.* 256276

بااااااااااااااااااكوووووووووووووو

لا اكون ابطيت عليكم انفدا وجيهكم,,,؟؟,,

صدق من قال الحب عقر ناقه,,,

مع مرور السنين اكيد اني تغيرت صار همي صديقاتي وسوالف وضحك صحيح لسى اتضارب انا واخوي مع عيال الحاره ونجي كذا عيال الجنوب حزب واهل المنطقه حزب وكان ملجاهم دايما لحوشنا واذا دخلنا فيه اكون مجهزه اسلحه جوا من حيود على عصي على أي شي ينحذف وممكن ينزل دم ,,,

وطووول الست سنوات احنا مجموعه وحده احنا وجماعتنا مجموعه مكونه من ست عايلات تقريبا وكان اقربهم لنا عايله ابو عبدالله (عبدالله ولد ابوه الوحيد بين اربع بنات ويكبرني بسنه بس تاخر ف الدراسه يدرس في نفس المرحله اللي ادرس فيها )....

هذا عبدالله هو بطل هذا البارت,,,شخصيه قياديه بمعنى الكلمه واذا قال كلمه للعيال تمشي غصب ع الراضي والزعلان لان كفوفه تعور,, بس اكيد ما يمشي كلامه علي,,,

كنت انقهر منه متسلط على عيال عمه ويكفر فيهم ضرب لاسباب تافهه,,,بس احيانا يبرد تسبدي فيهم,,

كنا كل اربعاء نتجمع سمره في بيت أي منا وكان الدور هالمره على عايله ابو عبدالله

رحنا لهم ولعبنا واستانسنا وتخبلنا فقالت فطوم اخته ياللا نلعب لعبة الغميضا (هاذي اللعبه معروفه ناخذ لنا شيله والا أي شي ونربط عين أي واحد منا ونتحداه يمسكنا)

بس في ذا اللعبه مسموح انك تلمس اللي مغطي عيونه وتتكلم وتنبهه انك جنبه وزي كذا وجا دوري,,,وربطوا عيوني وقاموا يصارخون انا هنا ومدري شنو شوي الا وواحد جا ودقني في جنبي وانا اكره ماعندي ذا الحركه ,,انا يوم دقني صحت وقمت احاول افك اللي على عيني واول ما فكيته اول شي شفته كاااااان كف ماسح طبلونه اكله محمد اللي دقني ,,مين اللي عطاه الكف؟؟,,كان عبدالله فانه يقول ::خييير تتحرش فيها ياحيوان,,شوفوا والله وقتها يوم سمعت كلمته جاني ضحك هستيري وقام عبدالله وطرد محمد للحوش وماخلاه يكمل لعب معانا ,,اصلا ما كملنا اللعب نسوي فيها زعل,,

وكمان يوم من الايام طلعنا مع ابوعبدالله وعياله لحالنا وكنت انا واخوي وعبدالله واخته فطوم نبي نلعب كوره,,فضبطنا الاقوال وكل شي ,,لعب اخوي وعبدالله مع بعض وانا وفطوم مع بعض بس ما امدا الوقت يمر الا اعترضت ليه انتوا الولاد علينا احنا مانعرف نلعب مثلكم فقال عبدالله اوكي ولد وبنت,,فقال اخوي ياللا يا فلانه (اللي هي انا) تعالي احرسي عندي ,,

فقال عبدالله ::لا يا دلخ كيف بالله انا واختي اطول منكم ما ينفع نكون ضدكم سوا ,,تعال يا انت مع اختي وتعالي يا فلانه معي ,,فلعبت معاااه ,, ما انسى لعبه كان خطر بس كان ف الباسكت بول احسن بكثيير لعبنا وسجل اقوال كثيره وكان الاخير انا اللي سجلته ومن فرحتي جيتكم اراكض من اول الملعب(مصدقه انه ملعب تروه ارضيه في مخطط) وهو يستقبلي وفاتح ايديه وانا بكل برااءه نطيت عليه وشالني ,,اخوي يناظر هناك بطرف عينه مو عاجبه اللي يشوفه ز2,,,,وبعد ما فزنا راح اشترى لي آيس كريم بس انا واياه وجلسنا لحالنا ناكل ونسولف واخوي واخت عبدالله محرومين هناك,,,,

وفي يوم من اياام الشتا كنا طالعين للبر,,, وكان الرجال مسوين مسابقه ثقافيه بين الاولاد وكانت جائزة اللي يفوز انه ياخذ سيارة ابوه ويفرفر بها قدامهم ,,وكنا احنا البنات نشجع واكيد اني مع اخوي بس ف النهايه فاز عبدالله وفرحت اخته لانهم حاطين للفايز شرط انه ياخذ أي شخص معاه ,,فرح عبدالله وخذا المفتاح وشغل السياره ونزل يناديني ::فلاانه تعالي ودك تركبي معاي؟؟,,انا ما صدقت خبر قمت اطامر واخته بتموت من البكا هناك هي تعبت وتشجعه وفالنهايه يجحدها الييييييمه ,,فتحت الباب الخلفي ابغى اركب,,فقال ::لا والله ان تجين هنا جنبي,,فقلت :ايه صح نسيت ,,وركبت معاه ومشغل الاغاني وبالذات كانت لمحمد عبده بس والله مو متذكره شنهي بالضبط,,فحطنا وطلعنا اللي في روسنا وصياح وخبال فانه يلتفت علي وقال::مبسوطه؟؟,,قلت :اكييييد,,ما شفتوا الضحكه اللي شقت وجهه وقتها وقال لي :تصدقي انه اذا صرنا في المتوسط رح يدرسونا انجلش وف الثانوي بندرس فرنسي >>تروا ما كان شلاخ ولا شي ,,,انتي ايش ودك تسجلي ف الجامعه بعدين ؟؟,,فقلت له :اكيد دكتوره >>من جنبها والله ,,فقال :انا اتمنى ادخل كلية الطيران واصير احسن طيار ,,(كان طموح وعاقل صح انه يتنرفز بسرعه بس يعتمد عليه),,وماطولنا كثير ورجعنا لهم,,

بالرغم من تلميحاته بس ماكنت ادري بشي كنت فاهيه همي استانس وبس ,,

بس ما انتبهت الا في الوقت الضايع.....

طلع قرار ترقية ابوي ونقله للجنوب يوم انا في صف سادس,,مشت الايام بسرعه وسووا لنا جماعتنا عزيمه وداعيه ,,وكنا بنسافر اليوم الثاني ,,حتى الشنط والاغراض كلها صارت جااهزه ,,رحنا للمخطط اللي مسوين فيه العزيمه,,كان هذاك اليوم مختلف,,مافي لعب ولا سوالف ولا خبال ,,عندنا يالبنات ساكتين لالعب ولاشي ,,والنسوان بعد اللي تبكي واللي توصي ومدري شنو,,مشى الوقت وتعشينا وقال ابوي انا لازم نرجع للبيت بدري لان ورانا سفر بكره,,,وقاموا الرجال والنسوان يتوادعون ,,,انا من قهري كنت قاعده ف السياره طول الليل حتى العشا ما ذقته ,,زعلانه ع الايام اللي راحت مثل البرق وكنت ابكي شوي الا والباب ينفتح علي,,الا وهو عبدالله فقال:هييييي ليه تبكي؟؟,,فقلت :ياخي تخيل آخر مره نطلع سوا,,هناك ف الجنوب مانعرف احد ,,فقال::لا ماعليكم بتتعرفون على جماعتنا هناك,,فجلس ساكت شوي بعدها قال :: يعني خلاااص معد فيه نونا؟؟معد بشووفك ؟؟حتى لو قابلناكم بعد كم سنه ف الديره اكيد انك بتتغطي عني,,وقتها رفعت راسي وطالعت فيه لقيته يبكي يا نااس اول مره اشوف دموعه,, وقتها انتبهت ان تصرفاته مو عاديه حسيته اكبر بكثييير من سنه ,,هو يحبني؟؟والا وش سالفته ..؟,,يوم انتبه اني شفته سحب الكاب على وجهه وراح لسيارتهم كنت اطالع فيه من بعيد وهو منزل راسه مايبغاني اشوفه ,,جاني احساس غريب تمنيت لو يروح نص عمري ونجلس ولا نسافر بس سافرنا اليوم الثاني ,,يومنا طالعين من تبوك كانت ف السياره حفلة بكا ماقد صارت ف البشريه حتى اخوي المتعربج قام يبكي,,,

مهما كانت الحياه ف الجنوب مارح تكون اجمل من الحياه في تبوك كان لها طعم ثاني,,في كل زاويه من زوايا تبوك لي ذكريات فيه ,,والرحله اللي ما انساها في عمري يوم طلعنا احنا وعايلة ابوعبدالله لجبال اللوز ف الشتا كنت لاول مره اشوف الثلج قدامي من جد احساااس غير

""عبدالله اعطاكم عمره بعد ما سافرنا للجنوب في عام 1427..في حادث سياره كان راكب مع واحد من خوياه,,راااح وراااح طموحه وحلمه وحبه......الله يرحمه رحمة واسعه""

معليش حبايبي ضحكتكم وقهرتكم وحزنتكم بس هااااذي طفوولتي واغلى ما املك من ذكرياااات

اشكركم ع الوقت اللي قضيتوه في قرائتها

احبكم...........

ريـــــــــــــوووووووومه

ورعه

بكيتيني
يعني ضحكت في البدايه وانبسطت
وفي النهايه تبكيني ..........

بس من جد ايام لاتنسى ....
مره حلوه آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه

الله يرحم عبد الله رحمه واسعه ....
ومرسي ريوووووووومتي على الطفوله الحلوه مره .........
صح انكم قد اجرمتو في العالم بس كانت حلوه منك

اصلا كل شي منك حلوه ........
يسلمو من اعماق قلبي لك ياقمر .......
على الموضوع الاكثر من رووووووووووووووعه
رائع بورعتك وذوق ياذوق ........

الف الف شكر لك يالغاليه ع المرور

وآآسفه لاني حزنتك

مع انه في مواااقف كثيره لو اكتبها ما رح انتهي منها

الحمد لله ربي رزقني ذاكره ولا احسن

الله لا يحرمني طلتك يا حياتي

روووعــْــه بجد..

الله يرحم عبدالله ويسكنه فسيح جنآآته..

لـــكــِ..

قــمورة..}

الله يرحمه ويوسع له قبره وينوره
تسلمين قلبووو ريومه
على الهدره الحلوه الي ماتنمل
فديتك يالغاليه
تحياتي لك
.....وحيدة كالقمر.....