أجمل هدايا القدر روايتي الاولى

بــــــــسم الله الـــــرحمــــن الرحيـــــم

السلام عليكم ورحمة الله وبركاته

في البدايه اقولكم ان هاذي الروايه اول روايه اكتبها مع مساعدة صديقاتي وسميتها

"اجمل هدايا القدر " وكان عندي في اجازة الصيف وقت فراغ كبير وحبي للكتابه

وغيرها من الامور اللي خلتني اكتبها

وبما اني مبتدئه في عالم الروايات حبيت يكون اول من يقرأ هاذي الروايه هم اعضاء

تحافه الغالين

وبأطرح في هاذي الروايه بعض من بنات أبها وسوالفهم واحداث تصير لهم بطريقه

حلوه وممتعه وبأسلوب مختلف عن باقي الروايات

نبذه عن موضوع الروايه وشخصياتها:

اولا نبدا بمواضيع الروايه التي تدور حول حياة خمس صديقات ف ثالث ثانوي ومواقف تصير لهم

على فكره كل حدث من احداث الروايه قد صار مع بنات كثير ولا اشوف احد يقول عن

أي شي انه مستحيل او خيالي

و أوعدكم إني مارح أقول إلا الواقع

وابغى منكم بعد كل بارت تقولون لي رايكم

أجمل هدايا القدر **روايتي الاولى** Schooldays1a

أجمل هدايا القدر **روايتي الاولى** Schooldays1a

والشخصيات هي:

***اولاً أزل

يمكن تستغربون الاسم بس كان خالها يشتغل ف السفاره السعوديه اللي بتركيا واقترح

على امها انها تسميها أزل وسمعت ان معناه الورده التركيه

عمرها 18سنه تحب الرسم وخاصة الرسم الرومنسي^.^ تحب اللعب والمقالب وعفويه

جدا واحيانا تطيح في المشاكل بسبب ذا الشي, مخلصه جدا , واكثر شي يزعلها اذا

تجاهلها شخص عزيز عليها, وكل شي الا كرامتها اغلى شي عندها رومنسيه نوعا

ما....

وباعطيكم نبذه سريعه عن شكلها: وزنها 51 وطويله شوي و تحب تقصقص ف شعرها

ولونه بني فاتح يسمونها صديقاتها جعده الغجريه لانها تجعد شعرها دايما وبشرتها

برونزيه على شوية بياض >>كيف جايه ذي؟؟ ,

عيونها همس وعدساتها بنيه

***والشخصيه الثانيه هي ميعاد عمرها 18سنه ما عندها موهبه محدده بس تحب

حاجتين الانجليزي والعزف ع البيانو مع انه ما قد صار وقعدت على بيانو بس كانت

تعشقه وكان من المستحيل تمتلك واحد

, واضحه جدا وتصرفاتها في قمة البراءه ,تحب الضحك ومخلصه لمن تحب

تدور المشاكل ومتعربجه شويتين لانها عايشه وسط 5 أولاد وزنها 45 واطول وحده

في صديقاتها شعرها طويل شوي وناعم نوعا ما واسود وبشرتها بيضا عيونها عسلي غامق

***اما الشخصيه الثالثه هي بسمه واسم على مسمى كثيرة ضحك وتروح ف مشاكل

عند ادارة المدرسه بسبب انها ما تمسك نفسها من الضحك ولها نظره خاصة في حل

الامور وقياديه كتومه نوعا ما من عائله مرفهه طولها نفس طول أزل ووزنها 53

شعرها طويل مره ولونه بني غامق ولون عيونها بني بشرتها بيضا تحب البساطه في
كل شي

***اما الشخصيه الرابعه هي شوق قمرهم كلهم قمه ف الطيبه و تحب الوناسه

والضحك كان الجو العائلي يتحكم في مزاجها طول اليوم ما تستقر على راي واحد

ومزحها ثقيل شوي رومنسيه وامنيتها طول عمرها ان تكون لها قصة حب عظيمه

تنتهي بنهايه حلوه تحاول تبعد عن المشاكل بس المشاكل تدور لها ^.^

شعرها طويل واسود و وزنها 57 وطولها زي طول أزل تقريبا ولون عيونها عسلي

فاتح , بشرتها برونزيه على شوية بياض وخدودها فيها شوية حمره

***وصلنا للشخصيه الخامسه والاخيره اسمها ريم اطيب قلب على وجه الارض

تحب الخير للناس رومنسيه جدا جدا وفي قمة النعومه وقليلة كلام ابتسامتها تسحر

كانت تذكرني بابتسامة نانسي عجرم تطيح في مشاكل مع ان مالها دخل ف المشاكل

كله من حظها الشين تحب تعيش حياتها بوناسه حساسه جدا لدرجة انه في يوم من

الايام تضاربوا بنات ف المدرسه وهي من خوفها بكت مع ان مالها دخل فيهم ولا

تعرفهم بس ايش نسوي في قلبها الطيب

ما رح اطول عليكم بوصفها بس تشبه جنقوما الممثله الكوريه كثير اكيد انكم تعرفونها
(دورولها في قوقل صور)

شعرها ناعم جدا وقاصته اناناس لون عيونها اسود وبشرتها بيضا واقصر وحده في صديقاتها وزنها 45
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
***كل شخصيات الروايه من قبايل مختلفه ف عسير........

احفظوا صفاتهم زين لان احداث الروايه بتكون عنهم فقط انتظروني جايتكم بالبارت الاول روحوا اشترولكم فشار وبيبسي الى ان اجيكم

لي بااااااااااااااااااااااااااااااااااك *****

ريماا

تحمست من جد والله للروايه

بانتظااار الباارت لاتحرمينااا

اميرة الورد

شكلها نـآآآيس

مادام انتي كاتبتها اكيد روووووعه

بانتظااار البااارت

لا تحرمينا ..

صفووقه ..~

وااااااااااو الروايه من اولها شكلها روعه
تسلم ايدك
ننتظر جديدك
لا تطولين علينا

ترانا متحمسيييين وننتظر يالله

بس تدرين من الشخصيه الي لفتت انتباهي>>> جونقوما

....

لا يكووون تاخرت عليييكم؟؟

الـبــــــــــارتــــــ الأولــــــــــــــــــ 1

يوم السبت والبنات كلهم راقدين ومداومين للمدرسه مغصوبين وكل وحده مشغوله بشي ريم حاطه راسها ع الطاوله تبغى تنام وميعاد تظفر شعرها وشوق تكمل دفاترها وبسمه تكتب قصايد فهد المساعد ع الطاوله أما أزل قاعده تطالع ف البنات تبغى تبدا بسالفتها بس ما تدري كيف؟؟

فقالت:بنات تجمعوا أبغى أقولكم سالفه صارت لي يوم الخميس اللي فات

**(البنات جالسين في اخر الفصل ف الزاويه ازل وميعاد وبسمه جنب بعض وقدامهم شوق وريم)

ريم رفعت راسها وقالت بصوت مليان نوم :وش عندش لايكون صاروخ جديد

ضحكت أزل مع إنها تحس إنها>> سبّه<<:لا ايش صاروخه لا صار لي أكشن قوي من النوع الثقيل..

ميعاد تسوي يعني اني انا اللي فهمت على ازل:لا تقولينه سويتي مصيبه لواحد من اخوانتس وش صارله تنوم ف المستشفى وإلا لا؟

فصاحت عليها أزل وهي مستغربه بقوه:إيش مستشفى لالا السالفه غير يرحم والديتس لا تخمنين إيش قالوا لتس>> انترتيكر<<

شوق :ايش فيش تكلمي والله انش اخلعتيني؟؟

أزل:اسمعوا انعزمنا يوم الخميس عند عيال عم امي,اوك؟

البنات في صوت واحد:اوك

ازل:المهم تدرون اني اموت في شي اسمه عزايم بس هذولا الناس ما احب اروح لهم لأنهم يطفشون وما عندهم بنات في عمري اسولف معاهم كلهم حريم كبار المهم

السالفه ماهي بكيفي باروح غصب عني رحت ولبست وتكشخت ورحنالهم

وأنا في الطريق كأن شي يقولي ارجعي يا أزل مالها داعي روحتكم, أوك؟

فقالوا البنات بصوت واحد :اوك

فقالت شوق :لاتقولين جاكم حادث؟؟؟؟

أزل معصبه:لا يالدلخه الله لا يقوله لا تفاولين علينا اصه بالله عليتس لا تقاطعين

وتكمل ازل وتقول:قلطونا وكان فيه ضيفان غيرنا بس كلهم عجايز وانا استنى الحلا والفطاير باموت من الجوع لاني ما تغديت شوي الا امي تاشرلي من بعيد بعينها عاد انا فهمتها وهي طايره امي تبغاني اروح اساعد المضيفين في تحضير العشا

رحت للحريم ف المطبخ و أعطوني الفاكهه عشان اوزعها ع السفره اخذتها ورحت للمقلط وقمت اوزعها وبما اني جوعانه ما قدرت امنع نفسي من العنب كان شكله مشهي وقمت آكل و أوزع ع السفره اوك ؟

فصاحت عليهابسمه:خلاص بلا اوك بلا هم كملي وبس احنا على اعصابنا وانتي رايقه اوك اوك

أزل:طيب اوك اوك اوك ههههههه ارتفع ضغطتس يا بسمه ابشري ماعاد اقولها

المهم وانا قاعده اوزع وارتب السفره عشان تجي سفره ملكيه >>مايمديها

شوي الا والباب اللي يطلع على قسم الرجال ينفتح ما انفتح عادي الا انرفس ودخل علي واحد طويل عريض بشنباته

ريم صحصحت :هيييييييييييييي >>شهقه

ازل تكمل ورايحه جو: انا تعرفوني على طول شهقت والرجال اختلع

وكلج مكانه وهو ماسك صحن المندي وانا في راس السفره والسفره طويله والمسافه بيني وبين الباب بعيده يعني ما يمديها اشرد عاد انا جلست في مكاني ووقف الدم في عروقي وتعرفون شكلي وانا مختلعه بقوه راح بكل برود وطرح الصحن على السفره قدامي وطالع فيني وجات عيني في عينه

شوق تقاطع بحماس:لا تقولينه اااااااااااه ياقلبي

ازل تكمل:وقال لي :سوري اخلعتس .وطلع وهو يبتسم

تضحك ميعاد وتقول:كيف تجتمع سوري واخلعتس ههههههههههههههه

ازل:شفتي كيف عيال جماعتنا صار عندهم لغه هههههه

المهم وطلعت بعد ما راح على طول وارقطت جنب امي حتى العشا وربي ما ذقته

والنوم ذيك الليله ما جاني حسيت اني مختلعه وفرحانه وخايفه ما ادري ايش جاني..

مشت الايام ومازالت ازل ما تنسى الموقف يوم دخل عليها ولد عم امها وقبل لا انسى هذا اللي دخل على ازل اسمه نايف ومتخرج من الكليه ويدور على شغل يعني عطالي مؤقتا ومافي راسه الا الدجه بس اللي خذا عقل ازل انه مرررره حلو احلى من اخواته يعني سواد من الدرجه المخمليه.....

يوم الاربعاء وتعرفون ليه يموتون البنات ف يوم الاربعاء؟اول شي لان الحصص اللي فيه كلها خفاف يعني مافي لا كيمياء ولا رياضيات والحصه الاخيره يخرجون ف الساحه وياخذون راحتهم وينبسطون اكثر لما يتذكرون ان بكره خميس

مرت الحصص والبنات كعادتهم .تشوفون ازل تحاول تركز مع المعلمات لما يشرحون بس تنتهي محاولاتها بالفشل بس تروها اشطر وحده ف صديقاتها بسمه ماسكه ف دفتر الرياضيات مع ان الرياضيات ماهي عليهم اليوم بس قالبه نهاية الدفتر دواوين اشعار اخواننا فهد المساعد وسعد علوش اما ميعاد مشغوله تسولف لشوق ف ورقه وترميها على شوق وشوق تكتب اللي عندها وترميها على ميعاد بس هاذي الاوراق لازم تمر ع الجمارك اللي هي ازل وتشوف ايش وراهم اما ريم فتشوفونها بس مستمعه لسوالف البنات وما تحاول حتى تنتبه للانسانه اللي تقرقر من اليوم قدامها بس اذا ضحكوا البنات على سالفه والمعلمه تشرح ما ينقفط من بينهم الا ريم مع ان ضحكتها مالها صوت بس حظها الشين هو اللي يخليها ماتقعد حصتين ورا بعض ف مكانها من كثر ما يقفطونها المعلمات وينقلونها المهم انتهى اليوم بسرعه وطلعوا البنات للساحه فجا ف بال ميعاد فكره التفت ع البنات وقالت:

يا بنات خلونا نروح يوم الخميس للملاهي ونتقابل هناك ونلعب ونستانس سوا وش رايكم؟؟

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

خلص البارت الاول ياحبايبي والبارت الثاني جاي ان شاالله

وابي رايكم ع البارت الاول

لي باااااااااااااااااااااااااااااااااااااك**

ماشاء الله
الروايه تفتح النفس روووووووووووووووووووووووووووعه
انتي مو مبتدئه في عالم الروايات انتي
وربي مبدعه
cheers

ريما منتي هينه

وانا اقووووول ما غير تكتبي في بيت تحافه
اهااااا
كفشتك

روعه ياريما
من جد ما قصرتي

ترين شريت كيلوا فشار

وعلبتين عايله بيبسي

انتظر الجديد

ههههههههههههههههههه موقف ازل والسفره شيء

روووعه ريماا باانتظار البارت الثاني لااتطولين

اميرة الورد

لا هنتوا ع المرووور الرااائـــــع

وان شااء الله ما بأتأخر عليكم

بس اصبرروااا شوي ولا تخلصون الفشار الين اجيكم بالبارت الثاني

,,

رقيقتي , ,,

ريمــــــــــــــأأ..

لكـــ قلم ينبض ــ بمعاني الابداااع,,

فكـــل حرف قمتي بخطـــهــِ هاهنــــأأ ,,

دليــــل على قلمك الذهبي’’

..
قد تكوني مبتدئه في كتـــابهـــ
الروايـــــات ولكن ماقراتهـــ
يشعرني بعكســـ ذلكـــ,,
رقيقتي’’’

لك قلم راائع بكل ماتحمله هذه الكلمه
من ابــــــــــدااع ..
وااصلي ابدااعك .. وكلناا شغف لاكمال
مانسجته من ابدااع..

ريمــــــــــــــاا
بانتظــــااار البارت
..

مررررة روووعه

حمستينا ريوومه

ننتظرك

قموورة

وآآآآآآآآآآو ريوومه

تجنن الشخصياات باين عليهم فللللللله

يله بانتظار الباارت الثاااني

وربي روووعه الباارت ويحمس

اتوقع بيروحون الملاااهي بس بيصير شي يقلقهم !!

روووووعه ريووومه ابدااااع

يالله ننتظر البارت الثاني

متحمسين فديتك

تحياتي لك ولقلمك المبدع

ضحكهاا

الــــــــبـــارت الـــــــــــثـــــانــــــــــــي 2

قالت ازل :ياليت والله فكره حلوه طيب رح اكلم اهلي وان شا الله يوافقون

وقالت شوق :والله ما ادري يمكن نكون معزومين والا شي بس رح ارد لش خبر

وقالت ريم :حتى انا باشوف لاهلي واكلمش

اما بسمه فقالت :والله ياميمي انها فكره جنان ياليت تصير ونروح سوا طيب رح اكلم اخوي بما ان ابوي مسافر باكلم اخوي وان شاالله يوديني والا اجي مع السواق

مر يوم الاربعاء وجا الخميس ومحد من البنات رد خبر لميعاد هي كانت بتدق عليهم بس ماعندها رصيد >.<

جا عصر يوم الخميس وراحت ميعاد للملاهي مع اهلها ويوم قدهي هناك دق جوالها الا وهي ازل ردت ميعاد بسرعه:ايوه يا ازل وش صار عيوا اهلتس؟؟

ازل:وش ذا الذوق ف الشنطه مالقيتي غيرالأحمر

ميعاد :هيييييي وش دراتس؟؟

ازل:طالعي وراتس هههههه

التفتت ميعاد الا وصديقاتها الثلاث ازل وشوق وريم وراها وميتين من الضحك انطلقت عليهم وهي تركض وقامت تضمهم

ازل :ههههه وش جاتس خير وش فيتس امس كنا سوا كل ذا فرحه بخششنا ههههه

ميعاد :ليه يا سامجين ما رديتوا علي وقلتولي انكم بتجون ,,,,,,بس وين بسمه؟؟؟

شوق:شوفيني قاعده ادق عليها لحظه ان شا الله ترد

شوق:الووووووبسمه

بسمه بصوت مليان طفش:هـــــــلا

شوق تتكلم بحماس:وينك يا بطه كلنا متجمعين هنا ف الملاهي ونرقبش؟

بسمه:لالالا ماني جايه

شوق :هيييييييي ليييييه؟؟

قالت بسمه بصوت تخنقه العبرات:اخوي عيا يقول ماعندنا بنات يتجمعون ف الملاهي مع صديقاتهم عشان تستوي لك الدجه ,وقاعد يتكلم وينافخ حتى امي طلبته بس قال ان خوياه يستنونه بيروح مشوار معاهم

هو كل يوم معاهم ودجه وسربته لاخر الليول مع ذا ماشبع منهم حتى انه عيا ما يخليني اروح مع السواق ,,,,,

يالله ,الله يهنيكم ويوم السبت سولفولي عن كل شي اوك؟؟

نطت ازل وخطفت الجوال من يد شوق وقالت وهي معصبه:اقول اخوتس هذا مايبغاله الا من يربطه ف قاع شجره ويولع فيه آآآآآآآه لو انه حولي كان علمته كيف يكسر بخاطرتس ها الداشر

بسمه:ههههههههههه ايه والله ما ينفع معه الا انت طيب يالله مع السلامه وان شاالله مره ثانيه

ازل :الله معاتس..

ازل:اااه نكّد علي اخوها لو ان عندهم عزيمه والا معزومين والا شي مهم كان عذرناه يرفض بس خوياه ما بيطيرون كل يوم مقابلينه الحين اكيد بسمه تتمنى انها ولد كان خذت راحتها وافتكت من اخوها ومزاجاته.

ميعاد:طيب يالله يا بنات خلونا نروح نشتري تذاكرمن بتروح معي؟؟

شوق:انا انا باروح معاش يا ميمي بس لحظه اشوف معي فلوس تكفي

ميعاد :اول شي التذاكر على حساب ازل

ازل تقاطع :هييييييييييي وشو لالا يا حبيبتي أنا ما قلته من اللي قاله؟؟

ميعاد :يوووو امزح صدقت الاخت وخافت ع فلوسها ههههههههه طيب قطوا انا افداكم يالله

وثانيا مانتي رايحه معي ياشوق وش ذا اللثمه وربي انك بتخبلين عيال ابها بذا العيون العسليه

ارخي ذا المغتر شوي وبتروحين معي

شوق :لالا ما اقدر اشوف زين الا كذا عاد انا على طبيعتي مو زيك انتي وذا الكحل

ميعاد :اقول لا يكثر يالله ياريم تعالي معي وانتوا اقعدوا هنا يالله مشينا

راحوا لشباك التذاكر وكان مرره زحمه والناس صافين طابور عشان يقصون لهم تذاكر

راحت ميعاد وريم يصفون مع الناس وكل شوي تدق ازل وتصيح عليهم وتقول:وش ذا ابطيتوا علينا عجلوا شوي

المهم يوم وصل الدور عليهم نط واحد عمره تقريبا 19 سنه قدام ميعاد وقال وهو ينفخ:معليش شوي بس انا مستعجل وقام يكلم اللي عند التذاكر:لو سمحت ابغى ارجع ذا التذاكر .فقال له البنقالي:لالا ممنوء رجء تزاكر انا مافي رجء.

ميعاد قدهي بتنفجر من حركة ذا الولد يوم نط قدامهم

فالتفت الولد عليهم وقال:طيب يا بنات تشترون مني دفتر التذاكر هذا؟؟

فقالت ميعاد:بكم تبيعه؟

قال :عادي نفس القيمه اللي اشتريته بها بمية ريال

فقالت ميعاد:لالا آخذه بسبعين والا روح لغيرنا

فقال وهو ينفخ:سبعين ؟ليه طيب انتي بتشترين زيه من البنقالي بميه ريال وانا مستعجل

ميعاد:بكيفي اذا بآخذه منك بآخذه بسبعين واذا باخذه من شباك التذاكر بآخذه بميه كيفي السالفه غصب؟

ريم تشاور ميعاد فإذنها:ميعاد حرام عليك اشتري الدفتر منه وربي انه سواد ناصع تكفين عشاني

فقالت لها ميعاد :لالا خليه عشان يعرف كيف ينافخ علي ويطمر ف السّرا

فتحت ريم شنطتها وطلعت مية ريال واعطتها الولد وقالت له :خذ ذا الميه وعطني التذاكر ماعليك كانت تمزح معك

الولد ما صدق خذا الفلوس واعطاهم التذاكر وشرد

ميعاد معصبه:وش سويتي يالدلخه تطيحين وجهي قدامه يازين من صفقتس

ريم :اول شي رحمته المسكين مستعجل واهله قدهم بيروحون وانتي تلعيبن باعصابه وثانيا ازل طفشتني من كثر الدقدقه علي ماابغى اضيع وقت معاه يالله مشينا نروح ناخذ البنات ونلعب

دقت ميعاد على ازل وقالت لها :تعالي قابلينا انتي وشوق عند المقص نبي نلعب بسرعه

المهم تقابلوا وقالت ازل:يالله من اللي بتلعب معي ف المقص؟؟

نطت ميعاد :انا انا اكيد معاكم

شوق:حتى انا بس ذا اللعبه ما تخوف؟؟

ازل :لالالا ابدا بالعكس فله وضحك بس اركبي وتشوفين

ريم :لا اما انا باقعد استناكم واتفرج عليكم وربي اخاف من ذا الالعاب ورح امسك لكم الشنط

وفعلا ركبت ازل وشوق قدام مع بعض اما ميعاد فركبت وراهم مع بزر صغير وقاعده تحقق معاه من انت وش اسمك وش قبيلتك طيب وين ديرتكم ووين ساكنين ووين يشتغل ابوك طيب عندك اخوان اكبر منك طيب وش اسمائهم معد الا تسأله عن رقم السجل المدني حقه وماسكتت ميعاد من اسألتها الا لما بدت تتحرك اللعبه واول ما بدت اللعبه تتحرك تضحك شوق وتقول:الله تجنن اللعبه من جد وناسه

ازل :نياههههاااااااي ماقد شفتي من الذيب الا مسامعه

شوق :وش قصدش؟؟

ازل:بتشوفين بعينتس

وقبل حتى ما تكمل ازل كلامها الا وصياح شوق يشق ويعق وماخلت كلمة سب ف اللغه العربيه والا وقد قالتها لازل وازل شغاله ضحك عليها وتصيح شوق وتدعي بدعاوي غريبه

حتى انها قالت سبحان من سبح الرعد بحمده والملائكة من خيفته"عاد قالته والا ماقالته طاحت ازل من الضحك وتقول لها تكفين اسكتي بطني بينفجر من الضحك هاهاهاهاهاها

شوي الا ومحفظة شوق طاحت يوم هم معلقين ف السما فقامت تصيح وتقول :ياويليييييييييييي

يا ويلي يا ويلي بالحق المحفظه باطيح باطيح يوماااااااااااااااااااه يباااااااااااااااااااااه

ازل قامت تسكت شوق وقالت لها:اصه عاد لو تركبين قطار الموت والا الشوايه وش بتسوين اسكتي شوي بالله ابغى اشوف اخبار ميعاد

ياميعاد وينتس وش فيتس مالتس حس لايكون وقف قلبتس ؟

ومالها أي صوت....

المهم اللعبه ما طولت بس شوق تحس انها قعدت ساعه وهي تدور بهم.نزلت شوق وهي دايخه وتمشي وكانها شاربه شي اما ازل ماسكه على بطنها وتضحك ودموعها اربع اربع من الضحك على شوق اما ميعاد نزلت بشويش وتمشي عادي بس كانت منصدمه قامت ازل تتلقف عليها وتقول:هاه كيف شفتيلي اللعبه حلوه؟

ميعاد :عاديه ماهي حلوه ولا شينه

ازل:طيب وش فيتس ساكته؟؟

ميعاد :ياويلي ازل انا ما اصدق

ازل :وشو؟ماكنت تدرين ان اللعبه تقلبتس راس على عقب؟

ميعاد:لا يا الدلخه السالفه ماهي كذا شفتي الولد الصغير اللي عمره عشر سنوات اللي كان جنبي؟؟

ازل :ايه شفته وش فيه؟

ميعاد :تخيلي بعد ما خلصت سوالف معاه واسئله طالع فيني وقال ماتعرفين تهبين خبزه؟؟

يعني تنطمين شوي رجيتيني صدق حشريه..

وربي انه بغى ينطق فيني عرق بعد ما تربطت بذا الاحزمه وما اقدر حتى احك خشمي قام يتكلم علي واااااي يا ازل بغيت اموت من القهر خلينا نروح ندور عليه ابغى اعلمه كيف يسبني

ازل:ههههه احسن من دوّر عيّن محد قالتس تسألينه اعرف اسألتس مالها راس امشي اقول لا يكثر نروح نشتري لنا عصير يبرد حرّتس امشي يالله

اشتروا لهم عصيرات وقاعدين على وحده من الطاولات يعلّقون ع الرايح والجاي وشوي

فزت ريم وقالت:بنات بنات شوفوا اللي هناك

التفتوا البنات كلهم الا بواحد قاعد يأشر بجواله قصده افتحوا البلوتوث..

ميعاد :كح كح كح وش ذا الحركه المغبره طنشوه تكفون خلوه ينخم

ازل:اهمممممم من زين ذا الفرّه وربي انها تقطع الرزق

شوق:ههههههه ايوالله صدقت

ريم :بنات تكفون خلونا نروح مكان ثاني والله اني خايفه من ذا الفيضي شوفوا كيف عيونه تخرع

ميعاد:اقول لا يكثر خير نشرد بيت ابوه خليه بيطفش ويروح من نفسه

ومرت نص ساعه وذا قاعد قدامهم ونظرات قلة حيا وكلام يرفع الضغط

شوي قامت ازل وقالت :بنات باروح شوي واجيكم اوك؟

ميعاد :وين رايحه؟

ازل :باجيب لكم حل اصبروا

شوق:الله يستر منها لا تروح تصفقه

وشوي الا والسكيوروتيه والهيئه شايلينه وطاردينه برا

وبعدها جات أزل :ها يا بنات وش رايكم فالحركه؟؟

ريم:تجنن تاااااخذ العقل والله انش بنت رجال

ميعاد :هههههه والله ما جا ف بالي ان هذي فكرتس احسن اقديتي فيه

شوق :وربي خطييييره

فجأه دق جوال ريم ردت عليه وبعد ما قفلت قالت:

يابنات هذا خالي درا اني هنا ويبغاني ادخله هو وخوياه وبعدها باروح ابوي قرب يجي

يالله مع السلامه

ميعاد :مع ان فكرة انتس تدخلين عزاب ف مكان عوايل ما دخلت راسي بس الله معاتس

ازل:ليه حرام ماعندهم ملاهي يقدرون يروحون لها ويلعبون سوا بدون اهلهم

شوق :ايه ايش معنى احنا فالينها لحالنا بدون اهلنا خليهم ياحليلهم والله انهم يرحمون

ميعاد:ايه اذا كانت السالفه لعب وبس عادي مافي مشكله بس يخلون اللعب ويجلسون يطاردون بنات الناس من جد قلق

وراحت شوق مع اخوها وازل وميعاد راحوا سوا مع اخو ازل لانهم جيران

وهذا اليوم مارح ينسونه ف حياتهم ..ولما راحوا للمدرسه يوم السبت قاموا يسولفون لبسمه وش صار لهم ف الملاهي......

وبعد فتره ماهي طويله جات الاجازه بين الفصلين وتقابلوا بعد الاجازه ورجعت ايام الدراسه والدروس والاختبارات مره ثانيه كل شي مثل ماكان بس الشي المتغير اللي انتبهت له بسمه

حرف الــ Mاللي ماخلت ريم مكان الا وكتبته فيه ع الطاوله ودفاترها ودفاتر صديقاتها والاساور اللي كل ابوها حرف الــM

وفي حصه من الحصص الفاضيه كانت ريم تكلم شوق بشويش وشوي الا وشوق تشهق

فزت ازل وميعاد وبسمه ونطت ازل عليهم وقالت:بسم الله وش فيه وش فيه لازم تعلموننا

تورطت ريم وقررت تقول ايش وراها ........

انتهى البارت الثاني وان شاالله يكون اعجبكم انتظروني رح اجيكم بالبارت الثالث

ابغى رايكم ع البارت الثاني وتعليقاتكم لا عدمناكم ويمكن اتاخر عليكم بسبب الاختبارات واوعدكم اول ما القى لي فرصه رح اجي وانزل البارت الثالث

لي باااااااااااااااااااااااك

حركاات يا ريووومه ابدااااااع

و بصراحه اعجبتني الخمه اللي اكلتها ميعاد من الولد الصغير

ننتظر البارت الثالث

لا تطولين علينا

تحياتيــ لكــ و لإبداعكــ::

الهجــــــير

وااااااااو

وناااسه

يالبا ذكرتني بطلعتنا انا وصديقاتي

يسلموووشات ع التكلمه

وننتظر البااقي

قمووره

بااااااااااااااااااااك

الـــــــــــــــــبــــــــــارت الـــــــثـــــــــــالـــــــــــــث3

فقالت ريم :طيب باقولكم ايش صار معي ف الاجازه

هذا يا طويلة العمر والسلامه بعد يومين من بداية الاجازه جا خالي عندنا البيت هو وعياله وجلسنا سوا

شوي الا وجات ف بال مرة خالي فكره وقالت وش رايكم نسافر الرياض لبيتنا اللي هناك ونتمشى سوا ونستانس دخلت روسنا الفكره واليوم الثاني دق خالي على ابوي وقاله عن فكرة ان نسافر معاهم ابوي ما كن عنده مانع ,خالي هذا عنده ستة صبايا وولد واحد يعني فله بلا حدود لو سافرنا معاهم

المهم وافق ابوي وجهزنا الشنط وحركنا اليوم الثاني سوا هم في جمسهم واحنا ف الفورد حقتنا

بعد ما قطعنا مسافه ماهي قصيره وقفنا في وحده من الاستراحات نبغى نرتاح ونتعشى وبعد العشا

قالوا يالله مشينا وجاو بنات خالي وحلفوا الا اركب معاهم وراحوا يكلمون امي فوافقت امي وقالت :اصلا هي اول ما تتحرك السياره تدقها نومه خذوها احسن امكن تصحصح معاكم.

المهم ركبت معاهم وكانت فله ووناسه جالسين ف المرتبه الاخيره وسوالف وخبال ولعب بالقيم بوي

يعني انبسطت معاهم مره وماجات الساعه وحده الا وكل اللي ف السياره نايمين حتى خالي كان نايم وكان ولده محمد هو اللي يسوق وقعدت مصحصحه لاني خلصت نومي فسيارة ابوي من قبل, جلست على جوالي وطفشت منه جاعلى بالي اصحي البنات بس رحمتهم وقلت اخليهم ينامون شوي احسن وشوي الا وقام محمد ولد خالي وشغل المسجل وحط شريط لماجد المهندس وكانت اغنية اممممم لحظه اتذكرها ...ايه كانت موعلى كيفك.جلست اتسمع لها ورايحه جو ورفعت عيني الا وهو يطالع فيني ف المرايه اللي قدام ويبتسم وقال : تحبين ذا الأغنيه؟؟

انا انجنيت وقمت اتلفت هو يكلمني والا يكلم غيري؟.

فقال :ايه انتي ياريم تحبين ذا الغنيه والا اغيرها؟؟

فقلت :ايش لالا لا تغيرها حلوه تجنن

فقال:يعني تحبين اغاني ماجد المهندس مثلي؟؟

فقلت وبكل براءه:ايه ايه احبها

فقال :طيب اسمعي هاذي

وقاعد يغيرو يقلب ف اغاني ماجد من اغنيه لاغنيه الين وصل لاغنيه محتاجك

فقال:ايييييييوه اخيرا لقيتها اسمعيها زين ياريم هاذي لك

فقلت بكل براءه:طيب طيب

ازل تقاطع بضحكه مدويه :ههههههههههههههه اموت ع الاخلاص يعني اني انفذ كل اللي تطلب

شوق :اقول لا يكثر يا زيزي خلينا نسمع وش صار بعدها كملي يا عيوني كملي

ريم:طيب رح اكملكم

المهم جلست استمع لاغنية محتاجك,يابنات هاذي الاغنيه قد سمعتها من قبل اكثر من مره بس هاذي المره ما ادري ايش جاني كنت اطالع ف محمد وكان قلبي ينبض بقوه ما اعرف كيف اوصف لكم

كنت اطالع ف محمد واقول ف نفسي شكل الولد يحبني وانا ما ادري من جد اثرت فيني الأغنيه واقول انا كم طالعت ف غيره ماجا فبالي ذا الولد لانني الى الحين ما اتغطى منه

ميعاد :هيييييييي >> تشهق . اما ما تتغطين منه ليه هو كم عمره؟

ريم :ايوالله ماكنت اتغطى منه لاننا كنا نطلع سوا ونتجمع مع بعض كل اسبوع تقريبا فكنت اقول لا مارح اتغطى منه لاني اذا تغطيت منه بأفرق الجمعه بيجلس لحاله هو واخوي اللي اصغر مني

وهو اكبر مني بثلاث سنوات هو الحين ف ثالث جامعه

المهم تخيلوا قال لي بعد ماخلصت اغنية محتاجك قال ايش تبغين اشغل لك الحين اختاري اللي تبغين؟

عاد انا ارتبكت ومادريت ايش اختار,وش تتوقعون اخترت؟

بسمه :قوم درجني؟

ريم :لالالا اخترت اغنية,,,,,,,يمكن احبك

ميعاد :ياويلتس ويلااااااااااه. ابشركم اخربتها ريم ف الاجازه

ريم :هههههه والله يا بنات ما ادري ليه جات ف بالي ذا الاغنيه تقولين انمسحت الاغاني الباقيه من راسي ,والله يا بنات لا تشوفون الضحكه اللي شقت وجهه يوم قلتله الاغنيه اللي اخترتها وقتها قلت ابصم بالعشره انه يحبني ويموت فيني والله يا بنات قمت ادور غطوتي ابغى اتغطى منه ..

المهم وصلنا للرياض قبل الفجر وقاموا اللي ف السياره كلهم ورحنا لبيتهم اللي بالرياض سمعت ابوي يقول لخالي انه بيستاجر ف فندق قريب من بيت خالي وكنت اتمنى ذا الشي ماكنت ابغى اقعد مع محمد ف بيت واحد المهم عيا خالي وحلف الا ونسكن عندهم وافق ابوي ونزلنا الشنط وانا ما ادري هو انا خايفه والا مستحيه والا ايش سالفتي ماني مرتاحه المهم يوم دخلت بيتهم وشفت غرف النوم حقت البنات ما قدرت امسك نفسي عن النوم ودقيتها نومه من الساعه سبعه ف الصباح الين الساعه 4العصر وبعد ما صحيت حسيت بجوع ماهو طبيعي لا افطرت ولا تغديت قمت ادور ف المطبخ مالقيتهم مبقين لي ولا لقمه رحت عند امي وهي قاعده مع مرة خالي وقلتلها:يمه ابغاك ترسلين علي اخوي ع البقاله يجيب لي أي شي خبز صامولي أي شي باموت من الجوع

فقالت مرة خالى:لالا لا تدقين عليه محمد توه طالع راح يجيب شوية اغراض باخليه يجيب خبز معاه

فقلت :لالالا لا تقولين له شي خلاص راح الجوع معاد ابغى شي

فقالت من زود الصقاره:لا والله جعلها بروحي عنش لا تستحين عادي لا والله بادق عليه ذا الحين لحظه شوي

وقامت تدق على محمد وانا واقفه عندها اتسمع وشوي رد عليها وفتحت الميكرفون ودارت بينهم ذا المكالمه:

مرة خالي:الوو محمد

محمد: نعم

مرة خالي:اسمع يا محمد اذا قدك راجع من المغسله مر ع البقاله جيب خبز لريم توها قامت وما لقت لها شي تاكله وبتموت من الجوع نفداك عجل

محمد:في ذمتش طيب طيب ما عاش الجوع الحين باجيب لها وجبه من الهرفي وجاي

مرة خالي:الله يسعدك ويوفقك ها انتبه ف الطريق

محمد :طيب طيب يالله مع السلامه

وقفلت مرة خالي وانا احس انه بيغمى علي ماكنت ابغى منه شي والله يابنات صرت استحي منه اكثر من خالي وقبل لا نسافر سوا ماكنت استحي منه ولا شي بالعكس ميانه بلا حدود

جاب لي الاكل واكلت واحس اني اتغصب به وبعد المغرب قالوا بنات خالي خلونا نروح للملاهي ونلعب ونوريكم ملاهي مو زي ملاهيكم ف ابها

المهم رحنا للملاهي ولعبنا وانبسطنا وتسوقنا وشوي الا ووحده من بنات خالي قالت:

بنات شوفوا بيت الرعب تكفون خلونا ندخله,,فوافقوا كلهم وبما اني اكبر خوافه عييت ما اروح معاهم وجلست قدام اللعبه ع الكراسي وماسكه الشنط كالعاده

وبعد ما راحوا بنات خالي قعدت فتره طفشانه شوي الا ومحمد جاي عندي وفي يده كوبين عصير

جا عندي وعطاني واحد من العصيرين وقال:خذي جبتلك عصير جوافه اللي تحبينه

وخذيت العصير منه وجلس معي على نفس الطاوله احسن شي انه اذا شافه ابوي والا اخوي قاعد معي مارح يزعلون والا ينكرونه لاننا سوا من زمان ونقعد سوا ونسولف ومافي مشكله

المهم جلسنا ساكتين شوي بس احس انه يبغى يقول شي قبل لا يجون اخواته من اللعبه

فقال:شوفي جبت لي عصير جوافه لاني احبه زيش,ما تلاحظين ان في اشياء كثيره تجمعنا

فقلت:وش فيهم تاخروا البنات انا لله<<تصرف

فقال:ليه طفشتي مني والا زعلانه اذا كنتي متضايقه لاني اتكلم معاش والا شي عادي باروح

فقلت :لالالا تروح اقعد عادي انت زي اخوي حتى انا طفشانه ماعندي احد اسولف معه

قول ايش عندك من سوالف جديده

فقال:لالا ماعندي سالفه

فقام من الكرسي ومشى شوي ورجع علي وقال وهو مرتبك :

اسمعي ياريم ودش تتمشين معي شوي عندي كلام باقوله لش

فقلت له :لالا ما اقدر يا محمد معاي شنط اخواتك وباستناهم بيجون بعد شوي

فقال :اهااا خلاص براحتش

وراح وجلست انتظر اخواته وبعدها رجعنا لبيتهم وكنت راكبه ف سيارتهم لاننا رحنا ف سياره وحده من اول وكان محمد ساكت طول الطريق ماكانت عادته ان ما يكون له حس زي هاذي المره وصلنا للبيت متاخرين تقريبا الساعه اثنين ونص ف الليل

الكل راحوا ينامون الا انا ماقدرت انام ادور النوم هنا وهناك ماقدرت قاعده افكر وش كان محمد بيقول لي ودي اني رحت معاه وسمعت وش عنده , والا اقول احسن شي اني مارحت معه طيب لوكان بيقول انه يحبني وش بسوي وقتها , ومشت الاجازه وهو كلامه قليل ومايمزح ويتخبل مثل عادته وماطولنا في الرياض كلها اربع ايام ورجعنا لابها ومن وقتها وانا اتغطى منه واذا جونا عيال خالي يجي وينزل اهله عندنا ويروح ......

ازل: وربي قهر بس لو عرفتي ايش يبغى يقول؟؟

بسمه:الله الله الله باين ع الرجال انه يحب يا نااااس اروح شوربه

ميعاد :وانا اقول وش سالفة حرف M اللي ف كل مكان خلاص صرتوا حبايب؟؟ يعني تحبينه والالا؟

ريم :والله باكذب عليكم لو قلت اني ما حبيته صار مسيطر على تفكيري وحتى هو يعجبني في كل شي تصرفاته وكلامه وحتى شكله

ازل:اهممممممممم الله يطعمنا قولوا آمين يا بنات

البنات بصوت واحد :آآآآآميييييييييييييييين

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ*

مشت الايام وجات الاختبارات الدوريه وبدا شغل محترفين الغش اللي هم ازل وشوق وبسمه

مصدر المعلومات ازل بما انها قاعده ف الزاويه وفاتحه الكتاب ف حضنها و تقول الاجوبه لشوق اللي قدامها وبسمه تطالع ف ورقة ازل وتنسخها عندها اما ميعاد تراقب لهم المعلمه وتكح اذا طالعت المعلمه فيهم واما ريم فاغلب ايام الاختبارات تكون غايبه ,ومشت الايام على ذا الحال

وجا يوم السبت والبنات ف الفصل مشغولين ف مذاكرة مادة الرياضيات لان عليهم اختبار اليوم

الا ميعاد باين من وجهها ان وراها مصيبه وبعد الاختبار صاحت ع البنات وقالت:

بنات الحقوا شوفوا ايش سوت صديقتكم ميعاد الدلخه

بسمه : هو سالفة انك دلخه فماهي جديده لانك لوح من الطراز الرفيع بس ايش سويتي؟

ازل:ايش ايش فيتس تحاكي بسرعه؟؟

ميعاد:اسمعوا البارح كان اخوي عبد الله رايح للسوبر ماركت كالعاده ويجيب اغراض البيت

رحت وطلبته حاجتين اللي دايم اطلبه يجيبها لي اللي هي حلاوا مالتريزيرز وبطاقة شحن بعشره

ويالله وافق المهم راح وطوّل ف مشواره ولما رجع……….

خلص البارت الثالث يا حبايبي واستنوا البارت الرابع جاي عن قريب ان شالله وكالعاده ابغى رايكم وملاحظاتكم على ذا البارت

لي باااااااااااااااااااااكـــ

وااااااااااااو

حماااااااااااااس من جد

يلا ريووومه كملي الروااايه

مرة متحمسه

قمووره

الــــــــــــــبـــــــــارت الــــــــــــــــرابـــــــــــــع4

تكمل ميعاد سالفتها مع اخوها وتقول:

وطالعت مع الشباك وشفته وانطلقت عنده وتعرفون بيتنا تدخل السياره مع المدخل الخارجي وتوقف قدام المدخل حق البيت فتحت الباب وانزل مع الدرج بسرعه وتعرفوني اخر ثلاث درجات ما اعترف بها دايما انقز من فوقها وكان اخوي فاتح الشنطه عشان ينزل الاغراض منها وانا نازله اغني" يامرحبا باللي جا باللي جا يامرحبا" ..اخوي يناظر فيني وكأنه مخنوق جيت عنده وقلت: وين بطاقة الشحن؟؟

شوي الا ويهمس بصوت واطي :الله يلعنتس انقلعي بسرعه

عاد تعرفوني ادور المشاكل فقلت له:لا والله ما جبت البطاقه ها جيب العشره حقتي بسرعه الحين و الله يلعني لاعلم ابوي

وبرضوا يتكلم بصوت واطي واحس انه بينفجر:يا غبيه معي واحد ف السياره

عاد انا حسيت السالفه صدق وقلت: اما في ذمتك؟

فقال:ايوالله اني صادق انقلعي بسرعه انتي وذا البجامه

مع كلامه ذا ما صدقته ورحت ابدي ع السياره اتأكد الا وذاك الرجال اللي جالس ف السياره وملتفت ع الجهه الثانيه يعني اني اغض البصر

ازل صاحت على طول:واااااااااااااااااااااااااااااااااو يالفضيحه

وشوي الا الوكيله داخله عليهم وطالعت في ميعاد وصديقاتها فقالت :تعالي يا شوق اطلعي برا بسرعه وش ذا الصياح ؟؟انزلي ع الاداره على طول

شوق :هييييييي <<تشهق . ليه؟ وربي ماني انا اللي صحت

فقالت الوكيله :اجل من اللي صاحت اكيد انك تعرفينها لان الصوت من مجموعتكم؟

فقالت شوق:انا ايش دراني كنت اكمل دفتري <<والله من الكذاب

فقالت الوكيله :لا والله تضحكين علي امشي قدامي بسرعه

فقالت ازل : اهممممممم والله من النفيخ فذا المره

سمعتها الوكيله فقامت تصايح على البنات وتقول:من هاذي اللي تتكلم من تحت لتحت تقوم وتواجهني

فقالت ميعاد :اخس يا روبن هود اقول اهجدي

الوكيله طلع في راسها شيب من تعليقات البنات عليها تسمع التعليقات ولا تشوف اللي يتكلم وطلعت من الفصل واخذت شوق المسكينه معاها

بسمه :حرام عليك يا ازل شوق راحت فيها وانتي قاعده هنا كله من تحت راسك

ازل:لالا ما عليك شوق تعرف كيف تجحدهم وتدخل في عيونهم ولا كان رحت بدالها بس هي قدها وقدود,,المهم كملي فضيحتس يا ميعاد

ميعاد :ايه اكملكم

وبعدها شردت على طول بسرعه جنونيه وسكرت على نفسي ف الغرفه

ودخّل عبد الله الاغراض وطلع لغرفتي وهو يضحك ويقول :

يا معلاق خذي البطاقه والحلاوا شوفيها عند الباب <<معلاق عيرة ميعاد

فصحت باعلى صوت :لالا خلاااااص ما ابغاها الله ياخذ عقلك كان قلتلي

ريم :طيب يا ميعاد شكلش كان مرتب وتمام والا لا؟

ميعاد :اهممممم لا تذكريني بشكلي ذاك الوقت الله لا يوريكم كنت لابسه بجامه امكن قد شفتيها يا ازل هذيك اللي عليها دباديب

ازل: البجامه ام قبوع وسروال مخطط؟؟؟؟لا تقولينه

ميعاد:ايه وبكل اسف هي نفسها

ازل : الله ياخذتس ماقد رميتيها كم قد طلبتتس ترمينها وتمنعيني منها حتى السروال قدهو على العرقوب ها احسن تستاهلين ما جاتس

ميعاد:ايش اسوي احبها وارتاح فيها بس المصيبه مو بس ف اللبس حتى التسريحه فضيعه وطريقة الكلام والاسلوب مشفر

الله يمنعكم وربي اني احس وجهي طاح ذاك اليوم

بسمه :طيب عرفينا على الاخ اللي انفضحتي قدامه

ميعاد :ايوه زين انك ذكرتيني هذا اسمه يحي صديق اخوي الروح بالروح ودايما مع بعض ملازم في العسكريه زي اخوي اما عن شكله فهوحليو ماشي حاله العسكريه لعبت ف حسبته

ازل : عادي يابنت الحلال تصير هاذي المواقف بس ما اقول الا الله يمنعنا

وشوي الا شوق راجعه من الاداره وهي تضحك

فقالت ريم :هاه وش صار معش كتبوش تعهد ؟؟

شوق :يخسون ف وجيههم جحدتهم وكل ما سالتني الوكيله أي سؤال عن اللي صاحت فاقول لها ماادري فتقول لي :طيب احلفي .فارد عليها برد رفع ضغطها واقول:مايجوز الاكثار من الحلف "ولا تجعلوا الله عرضة لايمانكم"

وعلى ذا الحاله الى ان قالتلي انقلعي على فصلك

يوم قدني طالعه قلت لها :ما ادري متى بيتطور اسلوبش

وجلست تناديني وسحبت عليها وجيتكم

ازل:ما قلت لكم ان شوق تعرف للاداره وتعرف تتصرف معاهم

ميعاد :وربي انتس خطيره نشفتي ريق الوكيله

ودق جرس الفسحه وطلعوا البنات ريم وشوق مع بعض وبسمه وازل وميعاد مع بعض

ازل وميعاد وبسمه جلسوا ف الساحه وكان دور ازل هي اللي تروح تتقضى للباقين من المقصف وهي رايحه للمقصف شافت ريم واقفه مع بنت في ثاني ثنوي يتكلمون على جنب استغربت ازل لانها ماقد شافت ذا البنت مع ريم من قبل وطريقة كلام البنت مع ريم تثير الشبهه

المهم بعد ما خلصت الفسحه رجعوا للفصل ومن حسن الحظ ان الحصه الرابعه فاضيه فطالعت ازل في ريم وكلمتها بدون ما يسمعون الباقين

وقالت ازل:يا ريم ابغى اسألتس عن حاجه وابغاتس تجاوبيني بصدق خلاص؟

فقالت ريم :ايوه إسألي

فقالت ازل:مين اللي كنتي تكلمينها ف الساحه قبل شوي من ثاني

فقالت ريم :اهاا ايه هاذي اسمها مرام وتلزق بي وتقول انها تحبني يعني معجبه انا حاولت اسحب عليها بس خفت اجرحها وربي اني طفشت منها ابغالي حل ماعند امها سالفه بس تناديني من وسط صديقاتي عشان تقول :كيفك يا ريومتي اخبارك يا حياتي كيف مزاجك اليوم تمام طيب خلينا نمشي سوا ونتكلم مع بعض ,,عادي ؟

وانا ما اقدر اكسح بها ماني متعوده اكسر بخاطر احد والله يا ازل اني كرهت المدرسه بسببها اذا عندش حل ساعديني تكفين احس ان نظرة البنات لي ف المدرسه تغيرت

فقالت ازل وهي تحك جبهتها:طيييييييب عادي اتدخل ؟

ريم :اييييه عادي انا ابغى افتك من ذا اللزقه وبس

ازل:طيب لي كل الصلاحيات يعني ماتزعلين من أي تصرف ؟؟

ريم :ايوه لش كل الصلاحيات حتى لو تصفقينها

ازل:الله يجعلني فدوة ذا الوجه بس ابغى مساعدة ميعاد عادي؟

ريم :ايه عادي خذي معش اللي تبغين

ازل:خلاص اوعدتس ما يجي بكره الا و قد فكيتس منها

ريم: الله يوفقش و لا يحرمني منش

التفتت ازل ع ميعاد و قالت: ميعاد ابغاتس في سالفه اليوم الظهر اوك؟

ميعاد: اوك والله شكلتس ناويه على شر

ومشت الحصص حتى خلصت حصص هذا اليوم وفي الوقت اللي يجلسون فيه البنات ينتظرون السواقين ف الساحه وكانت ازل وميعاد وشوق يروحون في باص حكومي وكان يجي بدري بس ازل وميعاد اتفقوا انهم ما يروحون ف الباص لان ريم سواقها يتأخر والبنت اللي اسمها مرام تروح مشي وتستلم ريم الى ان يجي سواق ريم

وجلست ازل وميعاد بعيد ويراقبون ريم وشوي الا ومرام جايه عند ريم ونادتها تبغى ريم تتمشى معاها وتبذها بهرجها المعسول وشوي الا وأزل طابه عليهم وقالت :

شوي يا ريومه ابغى اتمشى معاتس شوي ممكن؟

نطت مرام وتنفخ على ازل وتقول:لا يا حبيبتي دوري غير ريم تمشي معك

فرحت ازل ان مرام ردت عليها عشان تولعها وقالت :

اول شي ما كلمتس وثانيا الناس مقامات يا ماما لا تنسين انك بزر<<اخس يالكبيره

مرام : طيب وش علاقتك بريم صديقتها والا جارتها والا ايش؟

ازل وبكل ثقه : حبيبتها صح يا ريومه

ريم وفيها ضحكه :ايه حبيبتي من زمان

بدت دموع التماسيح تتجمع في عيون مرام :وشو؟ انا لما كلمتك من قبل ما قلتيلي شي عن ذا البنت

ازل :اسمي ازل

مرام :والخيبه

ميعاد تتسمع لهم ولما سمعت كلمة مرام راحت على طول تراقب السيب عشان الاداره ما ينتبهون للمذابحه اللي بتجي

وفعلا طاحت ازل ضرب في البنت اللي اسمها مرام من تشويت ومن مط شعر ومن ابقاس وعظعظه وكل شي يخطر على بالكم والبنت صياحها يشق ويعق

وشوي شافت ميعاد وحده من الاداريات طلعت من غرفتها انتبهت للصياح

فانها تصفر لازل وازل انتبهت لها وفكت مرام وقالت لها قبل لا تشرد:

اسمعي ايش باقولتس واحفظيه زين

اول شي لا اشوفتس تلاحقين ريم ولا حتى تفكرين تلعبين عليها بكلامتس الماصخ ولا حتى تناظرين فيها ولو من بعيد وانسي شي اسمه ريم

تقاطع مرام ازل:طيب حتى هي تحبني

ريم حست بالاهانه وقالت :لا والله انا ما احبش ولا اطيقش ولا ابغى اشوفش بس كنت اعطيش وجه عشان ما اكسر بخاطرش يعني رحمتش و كمان انا احب واحد ومستحيل احبلي بنت مثلي وش ذا الشذوذ تحسبينها موضه ولازم تسوينها ..

أزل تكمل وتقول: وثانيا لا تفكرين تشتكين ف الاداره وربي ما يروح فيها الا انتي واقولهم عن بلاويتس واملّح زياده ولا يهمتس خلاص فهمتي ايش قلت ؟؟

مرام :خلاص انقلعي من وجهي انتي واياها ..وقامت مرام تبكي يعني اني حساسه وانجرحت ياليت ذا المشاعر والرومنسيه حطتها في شي يستحق...

وراحت أزل وريم وهم يضحكون وقابلوا ميعاد وهي بتموت من الخوف لان الوكيله قدهي جايه وفعلا جات الوكيله عندهم وسألتهم :وش صوت الصراخ اللي قبل شوي

أزل:لالا مافي شي بس بنات كانوا يلعبون مع بعض وشفتهم لبسوا عباياتهم وطلعوا الحين شكل اهاليهم جاو <<والله من النصب

وراحت ميعاد تدق على اهلها وتقول لهم يجون ياخذونها هي وازل ويروحون للبيت

......ومشت الايام والبنات على حالهم واستلموا تقاريرهم واكيد اعجبتهم مع ان فيها شوية خويش وكانت اختبارات القدرات قريبه ومنهم اللي اخذ احتياطه واطلع على مراجع تنفعهم ومنهم من خلاها على الحظ .........

شوق تركب في باص حكومي مع ميعاد وازل هو اللي يوديها ويجيبها للبيت وكان يوقف في مكان بعيد شوي عن بيتها وفي يوم من الايام الغائمه نزلت شوق من الباص

وراحت لبيتها وقامت تدق على الجرس مره واثنين وثلاثه محد يرد مرت خمس دقايق وهي تدق الجرس ومحد يرد قالت: يمكن يكون الكهرب طافي وفعلا كان الكهرب طافي ع الحي كله كالعاده كل ما كان الجو غايم وحتى لو مافي مطر يطفى الكهرب لساعات طويله شوق خافت وقالت اكيد بأجلس هنا الى ان يجي اخوي الساعه ثلاثه

مرت نصف ساعه ومحد يرد عليها قامت تدق الباب بيدينها ورجولها بس الحوش كبير وامها مستحيل تسمعها وهي تطبخ الغدا وصوت قدر الضغط غطى على صوت دقها للباب والسيارات رايحه جايه من قدامها والوقت يمر حست شوق بخلعه لا توصف وبعد شوي جات سياره ووقفت قدامها ونزل منها ....................................

خلص البارت الرابع انتظروني و مارح اطول عليكم اللي عنده أي شغله يروح يخلصها ويرجع ....^.^

لي بااااااااااااااااااااااااااااااااك مع البارت الخامس

ريومه الباااارت يجنن

ياقلبي ع ميمي كم احلاها

فديتها والموقف اللي يجنن ..

شوق اتوقع بتنخطف <<مسموحه والتوقعات خخخخ

هههههههههههه البارت حلوو

بس عاد الله اعلم وش بيصير لشوق تكفيين مو ناقصين قنقنه

ننتظرك ريمو

اميرة الورد

من جد حماااس مررة

يلا ننتظر التكمله

قموورة

يله ريومه

ع اعصااابنا ..

ننتظرك

~~

من جد ابدااااااااااااااااااااااااااااااااااع
نتظرك ريومه
بسرعه ابغى اشوف اش بصير لشوق
واصلي كتاباتك ربي لايحرمني منك
تحياتي :
.....وحيدة كالقمر.....

» هدايا عيد ميلاد
» تغليف هدايا
» كيف تكسب ليلة القدر...
» انساني وقول فرقنا القدر!!!!!!!!!!!
» فضل العشر الاواخرليلة القدر وعلاماتها....