جا يشوف الحال كيفه بعد ما هزه حنينه ... وقبل يسألني سألته كيف حالك يالحبيب
قال أنا كني غريب ضيع دروب المدينه ... قلت أنا كني مدينة تنتظر رجعة غريب
قال أجل وش فيك تكره سيرة الحب وسنينه ... قلت أجل وشلون ما اكره سيرته دامك تغيب
أنت لامن غبت حتى مرايتك صارت حزينة ... كيف ماتبغاني أحزن وانت لي حظ ونصيب
الهدايا والرسايل والمكاتيب الثمينه ... والليالي والقمر والريح والكون الرحيب
كل ماتبعد تجيب الشعر ليه من يدينه ... وتقعد جروحي تودي في الطواريق وتجيب
يابعد كل القصيد ونزوة احداه وانينه ... لاذكرتك لاح بيت وطاح ورد وفاح طيب
***********************************************************
استجبنا للفراق ولاتناسينا الموده
ليلة الفرقا تبادلنا الرسايل والهدايا
قال والله لأحتفظ في صورتك تحت المخده
قلت والله لأحتفظ في صورتك بين الحنايا
**********************************************
علمتني كيف اعزك ولعيونك بس اشتااق
ونسيت تعلمني بغيابك الدنيا كيف تنطاق
***************************************
الثلاثاء أكتوبر 11, 2022 4:08 pm من طرف 
