البارحة أشتقت لك .. إنتِ غير ..

البارحة ..أشتقت لك

تصدقين؟؟
البارحة اشتقت لك
البارحة..
كلي شجر
واورقت لك
البارحة..
أنا امتليت من شمس وجهك والحنين
واشرقت لك
البارحة..
كنتي السوالف كلها وكنتي البها
وعيونك
الليل الطويل
وكل ما اشتهي
وكنتي الحديث العذب
اللي أعيده,, وابتديه,,
كل ما انتهي
البارحة..
مليتي روحي بالحياة
كانت عيونك
دنيتي وكل الجهات
كنتي اختصار احلى الأغاني كلها
وكل البنات
واشتقت لك
صرت أنا ظلك شجر
وأورقت لك
حبيبتي .. حبيبتي
ليتك تجين
كل ليلة حلم
مثل ما جيتي البارحة
مثل ما كنتي البارحة
البارحة..
كنتي فيني
احتضان الأزرق لكل السواحل والطيور
كنتي اعشاب البحر
كنتي
المراكب كنتي الميناء
المناديل اللي تلوح فـ الغياب وفـ الحضور
وكان في حضنك نوارس
وكان فعيوني غرق
كنت أمد حبال لـ شراع بيدينك وامول
القى كل الما في صدري شعور
البارحة..
كنتي في بالي بخور
كنتي في عيني اماني
وكنتي أنتي فـ الشفاه الذابلة فـ الصمت
عرس
ويباب واغاني
الله يالبارح كثييير اشتقت لك
وصرت بغيابك شجر
واورقت لك
وامتلت روحي سوى
واشرقت لك..

إنتِ غير..

وشلون أقول إن أنتِ غير؟

وشلون أقول..

إن انتِ تغرين النوارس بالغرق

فـ الازرق الفاتح

وشلون تغرين الرصاص..

يحب ويصافح.

وشلون تغرين الشتا..

يدفّي ريشة طير.

وشلون بعيونك مساي..

دايم مسا خير

شلون أقول إن انتِ غير ؟

شلون أقول إن انتِ غير؟

غير البنات

وشلون أخلّي للحكي عنّك

طعم سكَّر نبات

شلون أقول إسمك ولا..

يصير لساني ..نعناع

وتصير..

حروفي غزلان

ويصير ..

قمر صوتي صلاة

شلون أغنِّيك وماتصحى عصافير الفجر

ولا يطول عشب البحر

أو تزهر بدربي حصاة

وشلون أقول إن انتِ غير كل البنات

وشلون أقول إن انتِ غير..؟

غير البشر

ياللى إذا تبسّمتى ..

يفزّ

من سدرة الليل.. ( النهار ) ..

وتقرب سما

ويكبر قمر

وإن قلتي للدنيا d]مساء الخير ] إنولد..

من شفّتك :

مليون نجمه

وإنتشى فيك السهر..

وشلون أقول إن انتِ غير..؟

غير غير البشر..

مجنونها

رووووعه الاختيار ورقه الكلمات عنوان التميز هنا

تحياتي لك

يعطيك العافيه اخوي

ما قصصرت

تقبلي مروري

وشلون أقول إن انتِ غير..؟

غير غير البشر..

7
7
7

مجنووووووووووووووووووووووووووووووووووون

راقي بكل طروحااااااااااااااااااااتك

ذائقتك تروووووق لي كثير

تحيــــــاتي