اخف واطيب تشيز كيك من مطبخي اتفضلو ........

يعطيكم العافية صبايا كيف الحال
قرب رمضان كل عام وانتو بالف خير يارب
اليوم جايبتلكم تشيز كيك ولا اطيب من هيك
وكمان سهل كتير وما بغلب بالتحضير

نيجي للمقادير
بكيت بسكوت داجستيف انا استخدمت داجستيف التركي
من شركة ايتي عملت دعاية اخف واطيب تشيز كيك من مطبخي اتفضلو ........ 19

اخف واطيب تشيز كيك من مطبخي اتفضلو ........ 19

هههههه
بس عنجد صبايا ما بفرق عن الاصلي باي اشي
حجم البكيت 160 غرام
تلات ارباع اصبع زبدة يعني 75 غرام

بنطحن البسكوت وبنحط الزبدة عليه وعالفريزر على طول

اخف واطيب تشيز كيك من مطبخي اتفضلو ........ 33531_141672212528064_100000558574305_309552_5467569_n

بعدين بنيجي لمقادير الخليط

علية جبنة نابليون 225 غرام فيكي تستخدمي كيري او لافشكري

كاسة حليب بارد +بكيت كريما او بكيتين للي بستخدمو دريم ويب بكيتين لانه بكيت الكريما اللي عنا كبير

سكر فيكي تحطي الكمية اللي بتحبيها انا ما عيرت

صفار بيضة مع فانيلا

علبة شمينت 100 ملم او فيكم تستخدمو لبنة طرية حامضة

معلقة عصير حامض

معلقة ونص جيلاتين بندوبه بفنجان وشوي قهوة

الطريقة

اول اشي بنخفق الكريما مع الحليب منيح بخلاط الكيك
لحد ما تحسيها جمدت
بعدين بنحط الشمينت والسكر وبنخلط
بنكون خافقين صفار البيضة مع الفانيلا وبنحطه عالخليط
بعدين الجبنة وبتقدري هون تخلطي بالخفاقة اليدوية

طبعا بنكون مدوبين الجيلاتين مع المي انا دوبته عالنار
وبنخليه يبرد انا شلت مقدار معلقتين من الجيلاتين المدوب على جنب

وحطيت الباقي عالخليط وبعدين حطيت الخليط عالبسكوت

اخف واطيب تشيز كيك من مطبخي اتفضلو ........ 37760_141672339194718_100000558574305_309553_3079984_n

بنحطه بالفريزر ساعة زمان لحد ما يجمد
وبعدين بنحط عليه الصوص
انا على فكرة صرت مجربة تقريبا تلات ارباع وصفات التشيز كيك
بس كنت اواجه مشكله لما اخلص واعمله ما كنت الاقي صوص التشيز كيك عنا واصلا لو لقيته غالي كتيييييييييير سعره
والجلي ما بحب طعمه فيه وكمان الفراولة حسيت مو كتير

خطرت ببالي فكرة وانا بطلع على ابني وهو بشرب كوكتيل

شفت هاد اللي بحطوه بالكاسة اللي لونه احمر بيجي من الشراب المركز بس مو حلو لهديك الدرجة
حكيت بدي اجيب واجرب احط عالتشيز كيك منه
حطيت مقدار فنجان قهوة او اقل شوي نصيحة ما تكترو
وبعدين حطيت الجيلاتين عليه صار جامد متل الجيلي وحطيته فوق الخليط الجامد