الغيــــاب

موضوع: الغيــــاب السبت يوليو 24, 2010 7:50 pm

تدْري وشْ معْنى غيابكْ ؟

يعْني :
أسْوَءْ شيْ شفْتَهْ طولْ عمري
تبْدي ضحْكاتي هلابكْ
وفي وداعكْ
ما ينامْ الجَرحْ بدْري
وإنتْ كيفكْ
شوفْ وشْ ناوي عليه
هاكْ قلبي وهاكْ سيفكْ
وسوْ فيني اللي تبيه
لا تحاتيْ
صفّحْ بكيفكْ جروحي
وإشْطبْ آمالي وطموحي
وإعْتبرْ قلبي كتابكْ

تدري وشْ حطّم غيابكْ

تدري وشْ حطّم غيابكْ
مرْكَبْ بداخلْ شعوري
منْ نسى قلبكْ حضوره
قلبي ما واجَهْ / شعوره
عندي ما به شي ضروري
فاقد إحساسْ الأماني
لا مراسي لا مواني
وصارتْ الدنيا / قسى
وصار دوري
أعشق أنواعْ الأَرَقْ
وألفظ أنفاسْ الغَرَقْ
وصوت معناه الخَطَر
وقلبْ ميّتْ / يحتضر
منْ غيابكْ السلامه
فيها قلبي ما رسى
لا صباحي هو صباحي
ولا مسا قلبي / مسا
يا حبيبي في غيابكْ
إختلفْ شكلي ولوني
صرتْ أنا إنسان / ثاني
والسَهَر تعّبْ عيوني
والسؤال اللي ذبحني :
- صج اهو فعلاً نسى ؟
راح وأهداني الأسى
وما وصلتْ إلا ل حقيقه :
الجفا أسْهَلْ طريقه
للقسى

تدري لو ينطق غيابك؟!

تدري لو ينطق غيابك؟
بس أبسأل وين كنت؟
ووين رحت بغيبتي؟
وبسأله عن وضع قلبك
هنت عنده أو ما هنت؟
ياللي مِن غيرك حياتي/
ما لها داعي ومعنى
صار قلبي ما يحاتي:
بعد ما تخليت عنه
إيه كل الناس عندي
بس مابيهم بدونك
تدري يا عمري بأنك
عندي كل الناس إنت
ومهما تجرحني / مسامح
وكِل طعناتي / عوافي
عشت وافي لدنيتك
وبموت وافي
ما اخونك لو تجافي
ما هو آنا اللي إن ضاقت
علي الدنيا / خنت

تدري وش ناتج غيابك ؟!

تدري وش ناتج غيابك ؟
زادت بـ قلبي الهموم
[ الفَرَح ] عنِّي مسافر
وحزني ضيفي كل يوم
صرت أسأل
صرت ضايع
حلم هذا أو حقيقه ؟
كنت شاري وإنت / بايع
به مثل ه الضيق ضيقه ؟
عطني من وقتك / دقايق
شوف وش فيني
و روح
يا حبيبي حيل ضايق
حس مرَّه ب الجروح
يعني جرحي ما يهمِّك ؟
وعادي عندك لو [ أضيق ]
إنسى إنَّ إسمك حبيبي
صير لي عون وصديق
ليه قلبك ما يبالي ؟
وقلبي محتاجك يبيك
إنتَ عندي شخص غالي
تكفى لا تصدمني فيك
ما بقى لي شخص / غيرك
وإعتيازي لك تعب
إيه محتاجك وشوقي
نار وغيابك حطب

تدري وش ينهي غيابك ؟

تدري وش ينهي غيابك ؟
ينهي أحلامي و [ طموحي ]
ويبتدي مشوار حزني
وتنتشر فيني جروحي
ما بقى للشوق حاجز
من كثر ما عاش فيني
كيف أقول : إشتقت لك ؟
وصورتك دايم ب عيني
كيف أضحك
كيف أنسى ؟
وإنت غايب عن مكانك
لو يخون الكل ويقسى
قلبي لك عمره ما خانك
ما قدر يترس عيوني
من بعد عينك عيون
ليه مستغرب جنوني ؟
يا موصلني الجنون
شفت كل الدنيا هذي ؟
ما تساوي أي شي
قمت أسأل نفسي [ وييينك ]
من معاي ؟
ومن علي
وبالنهايه لا تحاتي
تبقى في دفتر حياتي :
أغلى كلمه
وأحلى كلمه
إنطقت فيها شفاتي

تدري وش يقتل غيابك ؟!

تدري وش يقتل غيابك ؟
يقتل إحساسي وعمري
وين رايح عن عيوني ؟
ليه ؟
تو الناس
بدري
إدفن أسراري معاي
ما أبي أي شخص يدري
لا تسولف من وراي
خل يكون الحب عذري
وإن سأل عني قلبك ؟
لا تفكِّر في الجواب
قول [ إحتاجك ] حبيبك
وإنت لاهي ب الغياب
من يحبك
وش مصيره ؟
- يحترق قلبه أكيد
تنهي أحلامه الكبيره
وتبدي في حبٍ جديد
ولا يهمك قلب حبّك
وضحَّى في عمره / عشانك
المهم يرتاح قلبك
وتلقى في الدنيا / مكانك
صرت أبعد من منامي
وكنت أقرب من ثيابك
أختصر باقي كلامي ؟
حيل يقتلني غيابك

موضوع: رد: الغيــــاب السبت يوليو 24, 2010 11:19 pm

طرح راقي
تسلم الايادي
تحياتي لكـ

لاهنت اخوي

يعطيك العافيه

تحيااااااتي

موضوع: رد: الغيــــاب السبت أغسطس 07, 2010 8:18 pm

تدري وش يعني غيابك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يعني اسوء شي شفته طوووول عمري

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

7
7
7

صح عليك يارـــــآئــــعــــ
شفت الغياب وشلون ؟؟؟؟؟

لك مني احلى تحيه واجمل ورده لرووووووووووحك النقيه

احترامي