إنساني الله يحفظك ..!

أصعب مساحات الألم جرح يجي وسط الشعور
وأتعب مواقف دنيتي"تبكي واجفف مدمعك"


ماكــان لي باللي حصل لظروفنا خبره ودور
ماقصدي أجرح وأبتعد وأهجر بقسوه وأوجعك


موقف وكان بآخره صفحه تغطيها السطور
قصه وفجأه إنتهت... قبل ألتقي بك وأسمعك


عجزت أوضح صورة في داخلي تهوى الظهور
عجزت أحدد موقفي منك..وأحدد موقعك


حاولت أرجِّع صورة طاحت من أيام وشهور
وإحساس جارف داخلي ينهاني أرجع وأرفعك


كل المشاعر داخلي صارت بلا حبك قبور
وأجمل عواطف دنيتي كانت بعيني مرجعك


لوكـــان حبك وردة..كان إحترق عطر الزهور
وإلا تحول صورة في كل لحظه ..تصفعك


"ماكنت أظن إحساسنا ممكن مع الضيقه يبور"
ولا حسبتك ترتجي شوقي وأعاند وأمنعك


ليل يطول ومايجي له بعد طول الليل نور
حــب يموت ويشتكي ويرد فجأه ...يتبعك


ماعاد بيدي أنفعل.. وأزعل ..أعاندهم..وأثور
ماعاد فيني أشتكي وأسمع كلامك وأقنعك


طيفك وخنته وأعترف..؟؟ كلي معك قسوه وجور
دامي نثرتك فالهواء..لايمكن أرجع وأجمعك


حاولت أنسى وأنسحب هذا هو العالم يدور
" إنساني "الله يحفظك ويكون بأحزانك معك ..





راقت لي كلماتها..