تكفين يمه.. [خلي الباب مصكوك]

قالت لي امي ياولدي شف [شبابك]
وارفق على نفسك ترا الناس شافوك

شافوك متغير وحاضر غيابك
ومتشتت فكرك وللهم [مملوك]

وقالت لي اسمع كنت احس بصوابك
ابكي دموعي هم واشكي على [ابوك ]

كنت ارتجي ظلك وماطر سحابك
ونسمة هواك اتشيل عن دربي [الشوك]

ارضى عذابي لجل اشتت عذابك
مابي تحس انك اذا طحت[ متروك]

عهد الطفولة كنت احضن ثيابك
لارحت تدرس وانتظرهم يردوك

واشرب بقايا مابقا من شرابك
لارحت مستعجل وخايف يخلوك

اساعدك تحفظ.. اجلد كتابك
[اضمك ] ان رديت متعب ومنهوك

اليوم ليش اليوم زاد اكتئابك
واللي يبونك.. من سواياك [عافوك ]

لاياولدي ارحم[ فؤاد] حيابك
لاتقطعه احزان. وجروح. وشكوك

قل لي علامك [قافل] اليوم بابك
عن ربعك وناسك كفا باب مصكوك

والناس اللي [تحرق لهم مابقابك]
مااظنهم كثر الذي فيك حبوك

ابسألك وانطر حبيبي جوابك
تدري بأن الناس [مافيوم حسوك]؟

امسح دموعك لايخيب الرجابك
منت الذي يضعف [وينهار ارجوك ]

واقفت... وانا ساكت وفكري متشابك
وجسمي كأنه بالسياجات [مشبوك ]

ناديتها [ يمه ].. ذبحني عتابك
تكفين يمه.. [خلي الباب مصكوك]

يعطيك العافيه اخووي مفلسع
ابداع بصراحه
تحيـــاتي : زلزالوووه

حياك زلزالووه

بس انا حمودي مو مفلسع

ونورت موضوعي

اخوي حمووودي

كلمات في غاية الروووعه

والاروع صاحب الموضوع

لاعدمناك

قمر 14

صح لسانك حمودي

قصيده رااائعه

تعودنا على هالابداع فلا تحرمنا منه

اميرة الورد

صح لسانك ياحمودي

لك تحياتي

وااااااااو روووعه

ربي يسعد قلبك

صفووقه

يسلمووووووووووووووو حمودي على الطرح الجميل لاهنت تقبل مروري

ارضى عذابي لجل اشتت عذابك
مابي تحس انك اذا طحت[ متروك] صح لسانك اخوي حمودي اكثرشي عجبني هذا النص

» بنام ياتنهيدهـ الصدر تكفين فكي ازارير التعب وارحميني
» عرب كيف حالكم افتحوا الباب
» وووووووووووووووووووورع افتحوا الباب عجلوا
» اللي يبي فرقاي قدامه الباب
» رافق كل من اراد الخروج من حياتك الى الباب..