يا معجبه ميلي تـرا الوقـت ميّـال واليا نغـزك إبليـس باللّـه سمّـي

يا النّت ابو شاشات واصوات وازوال
العلم الأبيض فيـك تّـم و لا تمّـي
بثّك غريب وتربط إرسال ب إرسـال
والدوت نتّ يراسـل الـدوت كمّـي
أحيان .. علمك زين يا طيّب الفـال
وأحيان .. لا باللّـه علمـك مطمّـي
للمعرفـه والتسليـه والمثـل قــال
اللي ما تثبـت حجّتـه مـا يهمـيّ
لو تلحقـك شرهـة مهبّـل وعقّـال
ما يلحقك من خاطـري غيـر همـيّ
ماجيت أوزّع رقـم بيجـر وجـوّال
وأكشف عروض الناس وأمدح وأذميّ
وأحط لي كرسـي ولوحـه وتمثـال
وأجلس وأهز الراس وأطوي معمّـي
جيت أطرق الهاجوس وأشرّع البـال
وأمّد من عبيّ .. على طـول كمـيّ
وألاّ العلاقه مـن ورا بـدع الأمثـال
أفضّها وأموت .. مـا فـضّ فمّـي
ألاّ .. ليا تمّت علـى عـزّ وإجـلال
علاقـة ٍ بيـن العـوارف تتـمّـي
ثقيل دميّ حيل في بعـض الأحـوال
وفي بعضها بالعكـس ياخـفّ دمـيّ
يا معجبه ميلي تـرا الوقـت ميّـال
واليا نغـزك إبليـس باللّـه سمّـي
لا تهدرين الوقت ب القيـل والقـال
والليـل حامـي والصبـاح متحمّـي
يا ما زهمتينـي علـى كـلّ مـوال
لا قلت لك لبيّه .. ولا قلـت سمّـي
الناس خلق اجناس واشكالها اشكـال
ومن كثر أساميها يشيـب المسمّـي
بعض البني في صدرها قلـب رجـال
وبعض الرجال قلوبهـم وش تظمّـي
هذا وانـا لازلـت طرقـي ورحّـال
أزهم هبوب الشـوق وتهـبّ يمّـي
وأن حبّني عميّ علـى حبّـة الخـال
أضحك وأغنيّ بيـن خالـي وعمّـي

يعطيك الف الف عافيه

طرحك وابدااعك رائع

لكي تحيــــــــآآآآآتي

الله يعافيك
الابدااع بمرورك
منور

روووووووووووعه
من جد النت ساعات مفيد وساعات الله المستعاان
يسلمووو خيتوو ع الطرح الراائع
الله يعطيك الف عاافيه
تقبلي تفحيطي

الاروع مرورك
نورتي ياعسوله

يسلموووو

موضوع راائع من جد

صح لسانك

جاري نقل الموضوع الى الشعر

اميرة الورد

الله يسلمكـ
الاروع مروركـ
صح بدنكـ
نورتي ياعسسل

صح لسانك طقاقه والله انها قصيده روعه
مشكوره

طقاااقه

موضوع ولا ارووع
دمتي مبدعه

» ماهـو بكفـو الوقـت حبـك يمحّـيـه