ياللـي دفنتـوا جثـتـه.. لـيـه تبـكـون؟

لـولاالحيـا..لأقـول : معـكـم خـذونـي

منه انحرمت وكنت انا عنـه مسجـون

مـا أذكـر لمحتـه .. غيـر مـره بعيونـي

شفتـه ..وكانـت فرحتـي مالهـا لــون

عجزت لأوصف .. من لمحته شجوني

ياليتنـي ..كنـت الكفـن يـوم تمشـون

أبـقـى مـعـه بالـقـبـر ثـــم تدفـنـونـي

أو ليتني .. من خلفكم كنت (مجنون)

أتـبـع خطـاكـم والـعـذر هــو : جنـونـي

أبكي وراكم .. وأدعي ان كـان تدعـون

مـا يكفـي انـه عـاش عمـره بدونـي؟؟

تكفـون < هاكـم عمـري اليـوم تكفـون

بـرخـص حيـاتـي دام خـابــت ظـنـونـي

مـا فادنـي صبـري !! ولا فـادنـي عــون

ولا فادني دمع(ن) .. حرق لي جفوني

يـا مـا بكيتـه والبكـى يحـرق عيـون

ميت أوانه حي .. دمعي بعيونـي!!

العـام كـان بفرحتـه.. يعـزف لـحـون

واليوم؛ تحت الأرض .. ماهو بكوني

لكن أنا في فرحتـه.. كنـت مدفـون

فوق الثرى .. واليوم موته سجونـي

ياليتنـي.. ماعشـت لحـظـه بهالـكـون

وياليت ربعي .. في سكات اذبحوني

وياليتكـم .. عـن همّـي اليـوم تــدرون

منه انحرمت > ومن عزاه .. احرموني

حتى بوفاته !! يـوم أنـا طحـت مطعـون

أخفيت طعناتـي .. قبـل لا يفضحونـي

بكـيـت!! لـكـن .. ماتظـاهـرت بالـهـون

أبكي وأقول : الموت هو سبة طعوني

و إن كان في حبّـي أنـا ..ماتحسّـون ..؟!

دلوني لقبـره .. وهنـاك .. اتركونـي

حمودي

صح لسانك حمودي

وتعلا شانك

في انتظار جديدك

دمت بود

صح بدنك

الله يخلي قلبك

كل الود

استمتعت بالابيات كثيرا
لطالما بكى الكثير على فقدان
اعز مايملكون
\\

ادام الله لنا ولكم احبابنا
\\

رائع بانتظار جديدك

حياااك الله خيتووو

اشكرك ولاهنتي

صح لسانك وتعلا شانك
ابداع دائم حمودي

كلي حلم

ابداعي هو حضورك يالغلا

ربي يديمك لنا

اشكرك

» لـيـه احبــــــــك؟