موج البحرغنى على الشط موااال!!

موج البحر غنى على الشـط مـوال

والغيم بدل حرقـة الشمـس بظـلال

والورد فتـح والمطـر حيـل همـال

{سبحان ربٍ شكـل الكـون بتقـان}

الجـوف يصـرخ والحنايـا تسمّـع

والهم فـي داخـل عروقـي تجمّـع

والنفس في شوفـت غلاهـا تطمّـع

{عزي لمن مثلي على الوصل شفقان}

القلـب متعـب والجـوارح حزينـه

والخـل غايـب والمفـارق غبينـه

ياكيـف كفـي فارقتـهـا يميـنـه

{بعد الروا ياناس عـودت ضميـان}

العيـن تسـال تالـي الليـل عنـه

والثغر ودع ضحكـت العـام سنّـه

والكـف عيـت ترفـع الـزاد منـه

{والحيل مامن زود كل يوم نقصـان}

الوصـل كايـد والرسايـل كسيفـه

والقلب مالـه سلـوة عـن وليفـه

يزور قلبـي لمـرح النـاس طيفـه

{واسج واسرح واحيي الليل سهران}

الـدار وحشـه والزوايـا كئيـبـه

والوقـت عيـا صوبنـا لا يجيبـه

الجـرح مخْطـر لا تاخـر طبيـبـه

{وانا طبيبي تارك الجـرح دَمْيـان}

ياسـارق الوجـدان روحـي تلـوّت

هذي كفوفي مـن دموعـي تـروّت

ليتك تجي وتشوف وشلـون سـوّت

{نارالهوى في داخل القلـب يافـلان}

دمتم بكل ود

شمووووخه

موج البحر غنى على الشـط مـوال

والغيم بدل حرقـة الشمـس بظـلال

والورد فتـح والمطـر حيـل همـال

{سبحان ربٍ شكـل الكـون بتقـان}

انا بقوووول :
مووج البحر عاتي وينحت على السيف

نحت الليالي بالقلووب الحزينه

شديت من شاطيه صوب المشاريف

ساعة جرف مده بيوت المدينه

ابغى السلامه لو عليها تكاليف

ما ابغى البحر لو الجواهر ثمينه

فيا بنت ما عقب كسر الجاديف

الا الغرق والا ضياع السفينه

صح لسانك وسلمت يداك يا شموووخه

اعذريني على اطالتي

لكـ ودي...........

ولكـ تحيااتي........

روعه

سلمتي لنا ودمتي

ابداعك جميل

لاهنتي

حمودي

يسلمووو يا حلوين على الردود الحلوة وعلى تنوير صفحتي

يعطيكم الله كل الخير والعافيه

دمتم بود

شموووخه