انا جنونـــي وافـكـ ـاري جنونيهـ ...

أنا جنـوني وأفكــاري جنونية ..
تخطي بي الناس واستعذب خطاياها..

احساسي اني اسامحهم طواعية ..
يطير بي فوق هام السحب وأعلاها..

حفظني ابوي معلومة اساسية ..
أكارم القوم تعفو عن دناياها..

وعلمني انسى الردا وازين النية ..
ولا اشوف الأوادم من زواياها..

الـوجه بالـوجه والنيه إلهيــة ..
واللي بيدور على الزله بيلقاها..

من تجربة عمر وابحاث اجتماعية ..
يستحقر الناس من يكشف خفاياها..

ومن تجربة عمر وابحاث اجتماعية ..
الناس ما تغلي الا اللي يتحاشاها..

اقولها والخصومات انتقائية ..
ناس تتحداني وانا ما اتحداها..

ألعب معاها المباراه النهائية ..
من شان اجي من وراها واتعداها..

الهم كهم ماهو ذات اهمية ..
الا اذا كان في النفس ومزاياها..

وعلى كثر ما تعبت من المثالية ..
على كثر ما اعشقها واتحلاها..

ومن شان اعيش الحياه بكل حرية ..
ركلت كل الاماني من مقفاها..

الا امنية في خفوقي لا طبيعية ..
في كل ليلة اغمض عيني ألقاها..

ياليت طولي شبر او اصغر شوية ..
هذي امنية عمري اللي انا اتمناها..

بطب في شنطة اليد الرمادية ..
وبعيش من بين اشياها واشياها..

افضل من متــابع اخبار العربيه ..
ومتابع الناس ومتابع سواياها..

.أتمنى أن تنأأأأل أعجابكم

صح لسانك
يسلموووووو مفلسع موضوع حلوووو
تقبل مروري

قصيده رااائعه اخوووي مفلسع
صح لسانك

اميرة الورد

سعد علوش شاعر الابداع

صح لسان الشاعر

وسلمت ايدناقلها

مفلسع

لاحرمنا الله من ذائقتك الرائعه

ونقلك المميز

لك جدائل الياسمين

هواوي / أمووووره /حبه سكر
مشكوووووورين حبايبي ع مروركم
نورتو...
تحياتي ل COM