آخــــــ اللحظآآآآت ــــر

مايفضح اللي حب الا آخر اللحظآت
لامد كفه بالودآع وصد بعيونه

معاه رايات الاسى وجيش من العبرات
وبين الحنايا صهيل خيول محزونه

كنه على موعد معاك ياهادم اللذات
من شاف ما صابه يقول الله في عونه


سلام ياللي ناوي الفرقى عدد مافات
وتعداد مامر السحاب وهلت مزونه

سلام من قلب سكنته انت والحسرات
غلاي تكفى يامودع ناضري صونه

ارحل وانا برحل معي هم وتعب وسكات
وأسرار مابيني وبين الروح مدفونه

ارحل ما ادام الله كتب لك يالحبيب شتات
مالي على حكم القدر راي ولا مونه

مالي بعدك الا الصبر ومجاذب الونات
وقصيدي اللي كل خلق الله يغنونه

وان طالت الغيبه ابنعي الحب لو مامات
عسى الهوى يشتعل بك وتردك ظنونه

وباحاول أنسى لو يصيح الشوق بي هيهات
وباحاول اسلى ولو يصيح القلب ما اخونه

كنه على موعد معاك ياهادم اللذات
من شاف ما صابه يقول الله في عونه

اشكرك ع الطرررح الرائع والمميززز اخوووي حموووودي

واصل ابداعاتك ونحن معك

صح لساانك والله رووعه يا مبد
لا تحرمنا من ابداعاتك ولا منك
الله يعطيك الف الف عافيه
سلمت يداك الحلوين مثلك
دمت بكل ود
شممووووووووووخه