الأنيقه للشاعر سعد علوووش

يا أنيقة

للشاعر سعد علوش

يـا أنيقـه آسـف بشـده علـى هالحوسـه

غرفتي تشبـه كثيـر أوضاعـي المحيوسـه

مـا توقعتـك أبــد بتجـيـن ! فاجأتيـنـي

ع العمـوم الله يحيّـي الطلّـه المحـروسـه

وقّفـي لحظـات بيـن عيـونـي التعبـانـه

لين أرتّـب لـك أريكـة قلبـي المشموسـه

واجلسي بيـن الزرايـر والحشـا الافريقـي

وائذني لي للبكي .. بيذاكـر معـاكِ دروسـه

شاعـرك .. فوضـاه علّمتـه يرتّـب حبّـه

أنتي .. ثمّ الحزن .. ثمّ دموعـه المحبوسـه

والدّموع اللي على وصلي ووصلـك تنـزل

تـرفـع بنزولـهـا أعلامـنـا المنكـوسـه

هذا إنتي؟؟ ماني مصدّق .. ولا ني مكـذّب !!

آه مـن بـرد الجفـا ورياحـه المتـروسـه

وايه حنّـا نـاس غيـر النـاس يـا حوريّـه

روسنا ما هيـب لضعـاف البشـر مريوسـه

لي افترقنـا نبتسـم ! ولـي التقينـا نبكـي !

ويـا فديـت جنوننـا واشياءنـا المعكوسـه

مرحبا .. ترحيبـة البـدو العزيـب الرحّـل

بالمطر .. لاوّل هشيـم الماحلـه المعبوسـه

صح هذا انتي ! وهـذا عطـرك السمياكـي

وهذي بوهة وجهك اللي بالضحى محموسـه

وهذي ربطة شعرك البيضا .. وذي خصلاتـه

كنّها فـي زيـت زيتـون الشفـق مغموسـه

وهذي الوانـك .. وهـذا المعطـف العنّابـي

وهذي ساعـة يـدّك المحظوظـه المنحوسـه

لا هـي اللـي طالـت أصابعـك وتشابكهـا

ولا هي اللي قريبـه مـن عاتقـك وتبوسـه

وهذي مشيتك اللي من صغرك مـا غيّرتيهـا

هالبشـر يخجـل يضـر القـاع ولاّ يدوسـه

الجمـادات الـرذاذ .. تهمـس لا مرّيـتـي

مرحبـا يالناعـس المحشومـه الطـاووسـه

قولي والله انك انتي معي ! مانـي مصـدّق !

لا تلوميـن الحـواس الشـرّد المهـووسـه

كل ما غنـى لـي الغيّـد بصـوت مواصـل

شلّهـا قلبـي وركّبهـا عـلـى منكـوسـه

صـورةٍ فـي البـال لـك معامـد اتخيّلهـا

أقرب احيانـاً مـن المحسوسـه الملموسـه

وانتي لو مـا كنتـي فيـدّي ولا كنتـي لـي

لحظتك عن عام .. كـل ليلـه مـع عوسـه

لانّـك الأفخـم إسـم .. والأبسـط انسانيّـه

ولانّك الوجه التقـي .. والطيبـه المغروسـه

ولانّي أحبك محبة عمق .. مـا هـي نـزوه

أسمى من حب الجسـد .. وللهوى ونجوسـه

يا أنيقـه .. آسـف بشـدّه علـى هالحوسـه

لهجتي تشبـه كثيـر أوضاعـي المحيوسـه

مـا سألتـك ليـه جيتينـي .. ولا ضيّفتـك

ما ابي أخرّب على جـو الوصـل وطقوسـه

ليه جيتي؟ أسألك .. وانا اعرف وش جابـك

طاب شجر الغاب والحطّـاب قـرّب فوسـه

لا تقولين اني أرخصتك .. وانا ما ارخصتـك

ولا تقوليـن اشتـراك المشتـري بفلـوسـه

ولا تقولين ان هالمـره .. هـي آخـر مـره

اتركي لـي حلـم بعـد احلامـي الميئوسـه

انا شاعر .. حلمه اللـي سـوّا منّـه شاعـر

الذهـب والعالـم الجديـد .. دم ضـروسـه

يا أنيقه .. لو خـذوك وسافـروا بـك عنـي

الارض صدري .. والسفر من قوسه ليا قوسه

ليت صيت الجد مـا ينفـع سخيـف احفـاده

وليتها هالحيـن وان الكـل شـارب موسـه

وليت .. نقطـه نقطـه نقطـه نقطـه نقطـه

ما ابي أغلط في الزمـن والعالـم المنفوسـه

ما اعرف شو اقول .. ولا اعرف ايش اسوّي

الحزن .. طلّت من ابـواب الليالـي روسـه

انسي كل اللي حصـل هاللحظـة وضمّينـي

يا خسارة عمـري اللـي راح ويـا ناموسـه

والله ان امه دعت لـه تحـت بـاب الكعبـه

واحـدٍ حطّـك فـي بيتـه يالغـلا عروسـه

مشكوووووووووووره اسطورة حلم على النقل الرااائع سلمت يداك

الله الله

سقا الله ايام هالقصيده يااسطوره وش كثر جانا منهااا

اشككرك يالغلا على طرحك وباانتظار المزيد

اميرة الورد

صح لسانك
طرحتي فابدعتي
تحيااااااااااتي

» ياانيقه للشاعر سعد علوووش لاتفوتكم
» أخــذيني ... للشاعر سعد علوش
» مما راق لي للشاعر الكبير محمد بن فطيس المري(المحيط الهادي)
» قصيدة مي للشاعر فهد المساعد
» أوهـــــاااامـ ##للشاعر عبد الله علوش