تبكي في ليله عرسها

في ليلة عرسها تبكي..
حزينه وقلبها يحكي ..
يقول الحمد لك ربي على كل حال ..
على الصحه ..

على النعمه ..
على قلبٍ شكى همه ..
وصبرٍ طال ..
تجيها أمها وتقول ..
خلاص يا بنيّـتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..
تجاوبها ..
أبي أعرف ..
أبوي شلّي استفاده الحين .. ؟!
لو ذابحني كان ابرك ..
وزوجي ..

اش ذنبه المسكين ؟
يعيش باقي العمر ..

مع جثه تتحرك !
عليك الله يا يمّه ..

قوليلي اشلون اضمّه .. ؟!
واذا ودّه يكلمني ..

وشاف دموعي فـ عيوني ..
قولي اشلون اكلمه .. ؟!
واذا ناداني بإسمي ..
وانا أخطيت في إسمه ..
يا ترى وش موقفه مني ..
وهو يسمع اسم غيره ؟!!
تجيها أمها وتقول ..
خلاص فضيها من سيره ..
خلاص يا بنيّـتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..
بقولك شي يا يمّه ..

وخليها من الأسرار ..
أبكتب له رسالة شوق ..
بشاكيه الألم والعوق ..
عقب ما أنتهي منها ..
بكل الحرص أرسليها ..
وخبيها عن الأنظار ..
وابي منّك وعد صادق ..
توصليها لذاك المغرم العاشق ..
وبعد ما يوصلك ردّه ..
على طول بلغيني بآخر الأخبار ..
ربع ساعه يا يمّه ..
عطيني بس ربع ساعه ..
أبكتب له عن اللي طفّى ما في القلب ولاعه ..
أبكتب له الين دمع القلم ما يجف ..
تعالي بعدها واستلمي ما في الظرف ..
وكتبت من حزنها ابيات ..
تقول فيها ..

سلاماتي ..

تحياتي .. وأشـواقـي الشديده
على اللي روحه قبالي ..

وأنفـاسـه بعيده
على اللي افترقنا غصب عن عينـي وعينه
بعد ما كنت انا وهو نحلم بلحـظـه سعيده
بعيش بغربتي لحـالـي ..

وهـو الله يعينه
يكمّل نصفه الثاني ..

ويلـقـى مـن تريده
مثل ما قالت امـي ..

مـا لـنـا إلا قدرنا
والا مـن زمـان المفتـرض إيـدي بإيده
يسامحك الله يالوالـد ..

علـى عمـرٍ قتلته
بعد ما ماتت ابنيتـك وش اللـي بتستفيده ؟
أنا آسفه على اعذاري ..

وربي غصب عني
نعم بتزوّج فلان ..

بس بعيش عمري وحيده
محّد ممكـن انّـه يملا عيـونـي بدونك
تذكّر كلمتي هـذي ..

أنـا فـ حبّـك شهيده
تذكّر كلمتي أرجـوك ..

لأنهـا مـن فؤادي
فؤادي اللي ذبحوه اليوم..

وطعنوه فـ وريده
تذكّر كلمةٍ فيهـا شـعوري ومـا طـرى لي
أنا فـ حبك شهيده ..

وذي ترى آخر قصيده

وجتها الوالده عندها ..
وهي تحاول تغض الطرف ..
وتسألها ..
وش اللي بداخله هالظرف ؟!
أبيات ..
هي أبيات ..

لحبٍ من حياتي فات ..
لحبٍ من حياتي طار ...
بسرعه ارجوك أرسليها ..
وهي تذرف ..

دموعٍ نار ..
على هونك يا يمّه ..
على هونك ..
خلاص اطّمني انتي ..
برسل ما كتبتي ..
واستعدّي ..
بعد شوي بيزفونك ..
يزفوني ؟!!
وربي كان أهون لو يكفنوني .. !!
بعد ايّام ..
تسافر لاجل تقضي في فرنسا ..
شهر العسل ..
والمكتوب للعاشق وصل ..!
وهي مع زوجها تضحك ..
وهو من فرحته يضحك ..
يقول افديك انا بروحي ..
وبيتي ..

ومالي ..

والأهل ..
وهي تقول اشكرك بالحيل ..
لأنك من جديد ..

رجّعت في قلبي الأمل ..
وساعه بعد ساعه ..
فرحتهم تزيد ..
في الصبح يتجولون من باريس ..

لحتى ليل ..
وفي الفندق ..

يشربون قهوه بالهيل ..
بعدها يسهرون ..

كل الليل ..
وحانت ساعة الردة ..
بعد ما طالت المدة ..
وموعدهم بعد ساعات ..
لاجل ما توصل الرحله على أرض الرياض ..
وأول ما وطوا أرض المطار ..
من الفرحه بكوا ..
واستقبلوهم أهلهم باحضانهم ..
سلامات ..

سلامات ..

عساكم بس تهنيتوا ..
يجاوبهم ...

الله يسلمكم ..
والحمد لله الهنا في حجرنا بات ..
تطير البنت ناحية أمّها ..
اشتقت لك حيل يمّه ..
وهاتي حضنك الدافي ..
ترى مشتاقه أضمّه ..
وعلميني عن احوالك ..
عن اخبارك ..

عساك بخير ؟
بخير يا بنيّـتي ..

دامك بخير ..
بس ما سألتيني .. ؟!
خير يا يمّه ..

خير ؟!
نسيتي إنك ارسلتي رساله ..
قبل ما ترحلين بخير وسهاله .. ؟!
صحيح ...

توني تذكّرت !!!
أرسل لك جواب ..؟
بعد ما ارسلتها ..
صرت انتظر منّه خطاب ..
ومرّت ايام وليالي وساعات ..
بعد مدّه ..

شهر أو يمكن شويه يزيد ..
لقيت نفس الرساله ..

عند صندوق البريد ..
تقول : لم يقرأها أحد .. !!
قلت بنفسي اتأكّد ..
وصلت لباب منزلهم ..
وكلّمني اخوه محمد ..
عرفتي ليش ما في حد ..

قرا الابيات .. ؟!
في نفس اليوم لي إنتي تزوجتي ..
وكنتي حيل مغتمّه ..
حبيبك ما قدر يتحمّل الصدمه ..
مع كل الأسف ...

مـــات

لكبرياائي رووايه

وربي قصه تحزن من جد

اشكرك على طرحك الرااائع والمبدع

باانتظار القادم والجديد

اميرة الورد

يسلموووووووووووووووووو

يعطيك العافية

اخوي لكبريائي روايه نقلت فابدعت دام الابداع والتواصل

اختك((قمر في ليلة مطر))تقبل مروري

اميرة الـورد كتب:: لكبرياائي رووايه

وربي قصه تحزن من جد

اشكرك على طرحك الرااائع والمبدع

باانتظار القادم والجديد

اميرة الورد

ربي يسعدك
مرورك شرفني
تحيااااتي لك

سلوووم كتب:: يسلموووووووووووووووووو

يعطيك العافية

ربي يعافيك
يسلمووووو للمرور

قمر في ليلة مطر كتب:: اخوي لكبريائي روايه نقلت فابدعت دام الابداع والتواصل

اختك((قمر في ليلة مطر))تقبل مروري

حياك ربي قمر
نورتي صفحتي
دمتي بود

لكبريائي

حراااام والله انك بكيتني وربي بكيتني

الابيات قويه
نقل موفّق ..

طريقـة رائعـة في نثر القصـة بشكل يرغم القارىء على المتابعة اللانهائية

دمت بكل خير

حبة سكر كتب:: لكبريائي

حراااام والله انك بكيتني وربي بكيتني

الابيات قويه
نقل موفّق ..

طريقـة رائعـة في نثر القصـة بشكل يرغم القارىء على المتابعة اللانهائية

دمت بكل خير

حياااااااك ربي سكره
نورتي بردك
لكي كل الود والاحترام

والله قصه مزنه تبكي
يعطيك الف الف عافيه اخي الغالي
اشكرك من القلب
دمت بكل ود
شمووخه

شموخ عز وكبرياء احساس كتب:: والله قصه مزنه تبكي
يعطيك الف الف عافيه اخي الغالي
اشكرك من القلب
دمت بكل ود
شمووخه

اشكرك شموخه
ونورتي بردك
لكي ودي ووردي

لكبريائي مدري وش اقوول
وربي مواضيعك كلها احلى من الثاني
يسلمووو والله يسلمووو
تقبل مروريـ يالغالي
لك وديــ

الــ-ــ-ـ-هـ-ـ-ـــواوي كتب:: لكبريائي مدري وش اقوول
وربي مواضيعك كلها احلى من الثاني
يسلمووو والله يسلمووو
تقبل مروريـ يالغالي
لك وديــ

الله يسلمك
اشكرك للاطراء
لك مني كل الاحترام

وش رايكم

والله عن جد
قصه تحزن مره
يسلموووووو لكبرياء

اسطوره

يمدحون المنديل

فراشه

مرورك رائع

لاهنتوا جميعا

تحياتي لكم

» أم تضرب ولدهآ ليله عرسه بالحذآء
» قمر في ليله مطر .. ألف.. ألف..مليون مبروووووك الالفيه والتألق ..
» كل ما جيت ابطرد صورتك من خيالي شفتها في منامي تبتتسم كل ليله
» قصه من جد تبكي
» ان تبكي بلا دموع