بعض العرب....!

موضوع: بعض العرب....! الإثنين يناير 31, 2011 11:30 am

رائعه سطرت في طياتها اجمل معاني الغزل
واصدق الكذب ...,,

رائعه محمد بن فطيس ....شاعر زمانه

اترككم لتستلذو بكل بيت من ابياتها

بعض العرب حبـه يـوردك الجنـون =ولا يوصف لـه غـلاه احكـاك لـه

مايقنعه وصف الغلا لـو وش يكـون = لو كل حـرفٍ بالحريـر يحـاك لـه

الموت جـاك وهـو تقلبـه الضنـون = ولا لك الا الصبر....وش وداك لـه؟

ان قلت ضايق..قال : هونهـا تهـون = مايدري ان ضيقتك لـه وبكـاك لـه

تقعد تحبه وانـت ساكـت ومغبـون = يمكن بيوم يقال لـه مـا اوفـاك لـه

وكانك مشكك هو يمون .. او ما يمون = تخيّل ان عفـت الصبـر فرقـاك لـه

غلاه من فـوق الغـلا ماهـو بـدون = وحكاه سمعك يجبـرك بارخـاك لـه

ودك تحطـه فالعيـون مـن العيـون = وتبسط على رمضى الثرا يمنـاك لـه

وتظله من الشمس في ظـل الجفـون = ولا يمـر اذنـه سـوا لبـاك لــه

وتسج مـن غيـره لونهـم يذكـرون = ومنين ما سجت القـدم ممشـاك لـه

غروِ يميلـه التـرف ميـل الغصـون = غصن ٍ ليـان ومكرمـه بسقـاك لـه

جديله الى اقفى ستـر منـه المتـون = كنّـي بريحـه لالتفـت لدعـاك لـه

يزها الملابس ..اي لبس ..واي لون = وفالليل وجهـه لا ظهـر قـداك لـه

كيك وعسل لكن ماهو فـي صحـون = ودعاك من عين الحسود اغطـاك لـه

الله لا يعطيـه نـاس س ينضـرون = ويستر عليـه مـن النحـل لا ياكلـه

الوصف والتعبير في وصفـه يخـون = غير اطلب الله يستجيب ادعـاك لـه

وعذال قلبـك فـي محبتـه يهــبون = سكينهـم عـن قطـع حبلـه حاكلـه

اللـي مـن لحـوم الاوادم ياكـلـون = وحلوقهـم دافـع الـبـلا متواكـلـه

ناس ٍ عن اعراض العرب ما يعرضون = ودايم على نفـس الشكـل والشاكلـه

فـي سلمهـم اولا بالاكـل الاقربـون = واطيبهم اللـي صيدتـه شكـواك لـه

يدعيهـم الشيطـان للذنـب ويجـون = هـذا يقـطـع لــه وذاك يواكـلـه

يا جعلهم فدوة ثـرى الغـض الفتـون = اللي على الدرب الطويل اخطـاك لـه

طيفه الى نـام البشـر زارك بهـون = وطيفك الى نـام البشـر سـرّاك لـه

حبه دفان ومقبـرة خضـر الطعـون = بيـن العظـام العـوج كنـك ناكـلـه

اللي كذا حبـه لـو تمـوت مغبـون = ولا لك الا الصبـر .. وش وداك لـه

صح لسانك والله
حـــــدي نـــــظـــــر

قصيده في قمممة الرووعه ماهي غريبه عن ابن فطيس

من اروع ماقرات صراحة

يعطيك العافيه اخوي حدي

تقبل مروري

مالك الا الصبر وش وداك له

اتعب اقووول مبددددددع ..

اشكرك خيوو

بعض العرب....! 174440

صفووقه ..~

تسلم الايادي حدوو
قصيده رائعه لابن فطيس

مشكوور وتقبل مروري...

يعطيك الف عافيه اخوي حدي

نقلت وابدعت

لا عدمت تميزك

تقبل مروري

دمت

» محمد ابن فطيس المري بعض العرب حبة يوردك الجنون
» العرب تكبر وتعلى وانت تكبر ف انحدار ..