قصيده واحد رايح يخطب ..

شوفوا المسكين ..

سبحان من يرزق بتوع الملاييـن*** الرازق اللي ما يخيب الرجا به

لي عم عنده معـرضٍ للصواليـن ***أموت واعرف بس من وين جابه

وإذا سألته قـال بعـت الدكاكيـن***ما يدري إني ما هضمت الإجابـة

الشاهد إني رحت له قبـل يوميـن***في قصره العامـر ودقيـت بابه

قال أرحب أرحب عدّد ورد البساتين***يا مرحبا باللـي لفـا يا هلا به

قلت البقا عـدّ النفـل والرياحيـن ***يا شيخ شمل أهل الكرم والذرابه

قال اسلم الله يحفظك لي من العين***وآمر أوامر حضرتـك مستجابـة

قلت الصراحة طالبٍ قرب غاليـن*** ودي تزوجنـي كريمتـك يـابه

ثنّى وقال أهليـن والله وسهليـن***والكون ترخص لجل عينك رقابـه

لكن ترا عندي شـروط وقوانيـن***قلت اشرط اشرط يا حبيب الغلابة

قال أولاً مهر العروسـة ثمانيـن***غير الرسوم وغير حق العصابـة

والثانية عمك يبي منـك سبعيـن***رسم الأبـوّة والنسـب والقرابـة

وأم العروسة حقها منـك ستيـن***عشانها ست الحسـن والمهابـة

وإخوانها كلن يبي منـك خمسيـن***عداً ونقـداً تنـدرج فـي حسابه

وخواتها الخمس عطهن من ثلاثين***عشان تتوثـق عـروق النسابـة

وتجيب طقم عيار واحد وعشرين***وخاتم من الماس المصفى ترابـه

وأكياس متروسة كعوب وفساتيـن***ألوانهـا وأشكالهـا مـا تشابـه

وموتر بسواقـه وفيـلا بدوريـن***أثاثهـا مـن بطرتـه ينحكـى به

واحجز لنا قاعة بقصر السلاطيـن***واحجز بهـا رقاصتيـن وربابـه

هذي الشروط اللي على بالي الحين***وذكرني اللي ما حسبنـا حسابه

قلت اذكر الله يا عـدو المساكيـن***واستغفـره لا يبتلـيـك بعـذابه

الظاهر إنك منت عارف أنا ميـن ***أنا لو أرقى فـوق متـن السحابه

ما جبت حتى نص درزن مواعيـن***واضحك بكيفك واعتبرهـا دعابة

شروطكم هذي شـروط المجانيـن***شروطكم شغـل ابتـزاز ونهابه

شروطكم تقصم ظهـور البعاريـن***شروطكـم همّـن وغـم وكآبـه

شروطكم والله سيوف وسكاكيـن***تذبح بنات المجتمع مـع شبابـه

وين الرضا والعطف واليسر والليـن***اللي ذكرهـا الله بمحكـم كتابه

وين الصفات اللي أمرنا بها الديـن **وين اختفى نهج النبي والصحابة

يا عم جعل اللي خلقنا من الطيـن**يرد عقلك مـن خطـاه لصوابـه

ويجعل نصيبي عند غيرك قل آمين**ويحسن عزا الصابر ويجزل ثوابه

قال أنت لو فكرت تفكير صاحيـن***ما شفت في مجمل شروطي غرابه

حنا بعصـر العولمـة والمزاييـن *** ماهوب عصر الفلسفة والخطابة

الناس تسعى للرتـب والنياشيـن***وأنت اهتمامك بالشعـر والكتابـة

والشعر ما ينفعك لو هو دواويـن***ما دام جيبك مثـل بيت الخرابـة

يا بوك لا تسمع كلام المصاخيـن***واسأل مجرب عاش في وسط غابه

قلت الله أكبر يا محـرر فلسطيـن ***من يسمعك يحسبك ذيب الذيابـه

تراك شايب رأس مالـك رياليـن ***والبنت ما تسوى جنـاح الذبابـة
قال انقلع مالت على وجهك الشين****لا عاد أشوفـك عندنا يالزلابـه

قلت ابشر أبشر لكن الباب من وين**وأقفيت من عنده على صوت بابـه

الله يسعده ..

مره تجنن قصيدته

~~

..

يآعمري عليــة . .

وش هآلعم ..

يعطيك العآفيـة . .

فديتك . .

جوري’ لقلمك . .

صح لسانه بالرد ع هل العم عمت عينه من عم

مالت عليه ***كسر خاطري الولد ياقلبي انا

يسلموا صفوقه قصيده روعه

تقبلي مروري ***ضحكهااا

[b]يسلموا صفوقه

وصح لساان قايلها

وسلمت يدين ناقلها

هذي غناها المطرب
علي بن محمد

تحياااتي واشواقي لك

من جد يرفع الضغط عمه ..

\\

مشكوورين ع مروروكم يالغوآآآآآلي ..

~~

ـــآللــه ـوكبر ـعلى ــآلظآلم
ــآلله يهدي ذآ الشــآيب لو باع البنت باالجمله ــآحسن من البيع القطــآعي

ــصفوقـــه
كل الشكر لك طرح رــآئع

تحــــــايتي

اي والله ..

الله لا يسامحه فيها ..

مشكوور ع مرووركـ..

~~صفووقه ..

» خبل رايح يخطب ههههههههه
» قصيده _ ضحك×ضحك ..
» قصيده للعشاق فقط قصيده رووعه..
» واحد مع واحد ، أظنه صفر !
» قصيده وصوره