الطرقات..سعد علوش

قصيدة رائعة جدا أتمنى أنكم تستمتعون بقرأتها
يقول:
في الكبد ليعّاتها وفي النفس حاجات
حاجات ماهيب رغبات وشهوات
ندم على حزن.. على مدري شسّمه
إللي يكلمك.. وتكلمه بسكـات
ياودي أصرخ من إللي داخلي حيل
ويا ودي ماتنبس من الليعّه شفات
مزحوم تفكير ومشوش وبردان
وياخوفي من الغضب و الإنفعالات
تعارك الشر مع الخير فيني
يأثر على إتخاذي.. للقرارات
ثاقب وألاحظ تفاصيل التفاصيل
كن البشر عٌري وعيوني مرايات
أفضال ربي علي واجد وأفضل
أفضال ربي.. الفقر وإنكاره الذات
يامجمل الفقر وأشياءه وروحه
تموت منّه تعب وتعيشه أزمات
يعلمك ضعفك وبأن عقلك
هو إللي يميّزك عن الحشرات
وتعرف بأن هذا لك وذا لغيرك
ولاتفكّر ولاتكسّر حسابات
الفقر مفيد ..وأشياءه مفيده
مليء قناعه وقوه وغايات
يمكن لو إنك غني تطغا وتنسى
وأتطيش وتطوّف الخمس صلوات
لذلك الحمد لله والثنى له
على الفقر والمصايب والمسرات
يمكن أني فقير بس مانيب تبعّي
أجلس ولا أنقاد خلف الإتجاهات
وإن ما أعجبتني قناعات الزمن هذا
أنا.. أألف لتفكيري قناعات
شاعر ويسكن فـ مخي الف شاعر
ماهم بشعّار هالوقت التروفات
اللي يقولون مافي الشعر نادر
وإن الشعراء نفس المستويات
لو أنهم واحد وبتفكير واحد
ماشفت ناقد ولا معجب وشمات
الله على هالكلام ومن يقوله
والله يقطع سياسة هالمجلات
يعني اللي شعره ملى الدنيا جماهير
مثل اللي يطلق قصيده سردة أبيات
لامني سمعت القصيده قلت هذي؟
سمعتها قبل هذي عشر مرات!!
يشل.. آخر كلام الشطر الأول
ويحطه بآخر الثاني .. وخذ هات
قاف متكرر.. ولافكره ولاشي
يبني القصيده.. على تفكير بنات
وبه نوع ساذج علشان أيتميّـز
يصرخ ويعمل بيدّينه حركات
والمرء عود مايجهل.. لذلك
هالشعراء يكرهوني -انا- بالذات
الله يخليني لشعري وأصونه
وأحرق به كبود شعّار المسجات
أجذبّ به.. أذواق حكّام الجزيرة
وأزرعه.. فعقول فتيان وفتيات
اركبّه جن.. وامارسه بجنون
وأشبعه فلسفات وأبتكارات
وآعلم الجيل هذا وإللي بعده
جودة الإطاله.. وفن الإختصارات
و وشلون أحرث صخر فكري وأخلّي
بيني وبين أقرب منافس مسافات
الشعر في نظرة اغلبهم مصالح
فلوس وشيوخ وبنات ولقاءات
وفي نظرتي الشعر روحٍ و روح حرّه
ماتخضع لشف.. وأشخاص.. وقياسات
الشعرٌ ماتقشعرُ له أبدانٌ
ومَا يسَرقُ من الكلمات.. الكلمَات
تقراه فـ عيون شاعره وتحسه
يفتح له فَجلد يدّينك مسامات
ردد قصيدي ياجمهوري وصفق
وعلمّهم إن الغلا مابَه خيارات
وتعال نسرح سوّى في شي عندي
وأخاف لا أبكي؟ وتبكيني العبارات
حزين جداً ومتعومس وخايف
أحس كنّي على مهوّي نهايات
حبيبتي .. إللي أغليها وأبيها؟
راحت.. وقالت بجّي وللحين ماجات
ما أذكر أني.. مسوي شي لكن
الحب لا زاد.. يسبب حزازات
والصبر صبر القلوب البيض وأدري
يامصعب الصبر لا قدّبه محاتات
دمّرني الشوق وإستنزفني شعور
وتعبت أثبت وجودي داخل شتات
تمر كل الوجيه.. بدرب عيني
نفس الملامح؟.. ونفس الابتسامات
حبيبتي طاغيه وبشكل طاغي
صديقة الليل واجناب البنايات
من وين ما أفتر لاهذا وجهها
على الطرقات وأضواء السيارات
يابرّي حالي عليها برّي حالي
عليها يابرّي حالي عشر بريات
لأني أحبها.. فعلاً وجداً
ماهي محبة.. رفث.. ولا إتصالات
وإللي سواتي.. يحب وخايف الله
يعرف.. معنى معاناة المعانات
الحزن في بعض الأحيّان إزدواجي
وجميل.. لاصار من تجنيب غلطات
من خّلا حاجه لربي عاضه أخيّر
منها واحسن دبلات الدبلات
وانا مابي .. غيرها .. ولا ألتفت له
السيده .. لا رجعنا للسيادات
جعل امها إتوافق إن جيت أخطبها
تكفون دعواتكم يـ أهل الدعوات

اشكرك

واوووووووووووو

من جد اشكرك اختي قمر

اعجبني
واعجبتني ذائقتك الشعرية

من جد
هذه إذا قيل لك شعر

الف الف الف شكر مو على القصيدة
على امتاعي وامتاع هذا المنتدى بمثل هذه القصايد

شكرا شكرا شكرا

لامني سمعت القصيده قلت هذي؟
سمعتها قبل هذي عشر مرات!!
يشل.. آخر كلام الشطر الأول
ويحطه بآخر الثاني .. وخذ هات
قاف متكرر.. ولافكره ولاشي
يبني القصيده.. على تفكير بنات
وبه نوع ساذج علشان أيتميّـز
يصرخ ويعمل بيدّينه حركات
والمرء عود مايجهل.. لذلك
هالشعراء يكرهوني -انا- بالذات

صدق ابو علوش

على طرق معجبات
او بهلشة واضفاء روح حماسية على ابيات غزلية ؟؟؟؟؟؟؟؟؟؟

من جد هذا النوع يكرهك بالذات

يابرّي حالي عليها برّي حالي
عليها يابرّي حالي عشر بريات
عشر بريات

جعل امها إتوافق إن جيت أخطبها
تكفون دعواتكم يـ أهل الدعوات

آمين

واعتذر على الإطالة
بس من جد اعجاب
ترى حافظة
بس اعجبني إني لقيتها هون

الف شكر

اختي قمر اشكرك على الذائقك الشعريه الروعه

بصراحه

سلمت يدينك

ولاعدمناااك

اخوي الاسير

تذكرت الظريف
دايم يرددهااا

ههههههههههههههههههههههه

قصيده رااائعه من امبراطوور الشعر

لاعدمتك قمورتي

~~صفووفه ..

قمورة صح لسانك ولسان الشاعر

وصدق من سماه افلاطون الشعر

تسلمييين

» قصيدة اخذيني((سعد علوش))
» قصيدة الطرقات .. سعد علوش
» ديوان سعد علوش كااااااامل
» أخــذيني ... للشاعر سعد علوش
» قصيدة العبره ... سعد علوش