موج البحر غنى على الشـط مـوال

موج البحر غنى على الشـط مـوال
والغيم بدل حرقـة الشمـس بظـلال
والورد فتـح والمطـر حيـل همـال
{سبحان ربٍ شكـل الكـون بتقـان}
الجـوف يصـرخ والحنايـا تسمّـع
والهم فـي داخـل عروقـي تجمّـع
والنفس في شوفـت غلاهـا تطمّـع
{عزي لمن مثلي على الوصل شفقان}
القلـب متعـب والجـوارح حزينـه
والخـل غايـب والمفـارق غبينـه
ياكيـف كفـي فارقتـهـا يميـنـه
{بعد الروا ياناس عـودت ضميـان}
العيـن تسـال تالـي الليـل عنـه
والثغر ودع ضحكـت العـام سنّـه
والكـف عيـت ترفـع الـزاد منـه
{والحيل مامن زود كل يوم نقصـان}
الوصـل كايـد والرسايـل كسيفـه
والقلب مالـه سلـوة عـن وليفــــــه
يزور قلبـي لمـرح النـاس طيفـه
{واسج واسرح واحيي الليل سهران}
الـدار وحشـه والزوايـا كئيـبـه
والوقـت عيـا صــــوبنـا لا يجيبــــــه
الجـرح مخْطـر لا تاخـر طبيـبـه
{وانا طبيبي تارك الجـرح دَمْيـان}
ياسـارق الوجـدان روحـي تلـوّت
هذي كفوفي مـن دموعـي تـروّت
ليتك تجي وتشوف وشلـون سـوّت
{نارالهوى في داخل القلـب يافـلان}

روووووووووووووعه وربي روعه

يسلموو خيوو

كلي حلم

الاروع مرورك اختي

نورتي

رووووعه ولا اروووع والله
تسلم اخووي حمودي على الموضوع
الله يعطيك الف عاافيه
تقبل تفحيطي

الله يعافيك
نورتي طال عمرك

الله الله عليك

مبدع كعادتك اخوي حمودي

اتحفنا بمزيدك

لا عدمناك

تقبل نطتي

نورتي حياك الله اشكرك

» مين تتمنى احد يجلس معك ع البحر
» قصيده{عمر البحر ما شال هم السفينه}
» لماذا البحر للمهمووم والسمااء للعااشق
» هذا خلق الله: نجمة البحر تسبح الله