ياانيقه للشاعر سعد علوووش لاتفوتكم

االسلام عليكم


بصراااحه انا من محبين قصائد الشاعر المبدع سعد علوووش

حبيت اليوم اشارككم بوحده منهااا بعنوان الانيقه


اتررككم مع القصيده




يـا أنيقـه آسـف بشـده علـى هالحوسـه
غرفتي تشبـه كثيـر أوضاعـي المحيوسـه

مـا توقعتـك أبـد بتجـيـن ! فاجأتيـنـي
ع العمـوم الله يحيّـي الطلّـه المحروسـه

وقّفـي لحظـات بيـن عيونـي التعبـانـه
لين أرتّـب لـك أريكـة قلبـي المشموسـه

واجلسي بيـن الزرايـر والحشـا الافريقـي
وائذني لي للبكي .. بيذاكر معـاكِ دروسـه

شاعـرك .. فوضـاه علّمتـه يرتّـب حبّـه
أنتي .. ثمّ الحزن .. ثمّ دموعـه المحبوسـه

والدّموع اللي على وصلي ووصلـك تنـزل
ترفـع بنزولـهـا أعلامـنـا المنكـوسـه

هذا إنتي؟؟ ماني مصدّق .. ولا ني مكذّب !!
آه مـن بـرد الجفـا ورياحـه المتروسـه

وايه حنّا نـاس غيـر النـاس يـا حوريّـه
روسنا ما هيب لضعـاف البشـر مريوسـه

لا افترقنا نبتسـم ! ولـيا التقينـا نبكـي !
ويـا فديـت جنوننـا واشياءنـا المعكوسـه

مرحبا .. ترحيبـة البـدو العزيـب الرحّـل
بالمطر .. لاروى الهشيـم الماحلـه المعبوسـه

صح هذا انتي ! وهـذا عطـرك السمياكـي
وهذي بوهة وجهك اللي بالضحى محموسـه

وهذي ربطة شعرك البيضا .. وذي خصلاتـه
كنّها في زيـت زيتـون الشفـق مغموسـه

ما تغيــرتــي.. وهـذا المعطـف العنّابـي
وهذي ساعة يـدّك المحظوظـه المنحوسـه

لا هي اللـي طالـت أصابعـك وتشابكهـا
ولا هي اللي قريبـه مـن عاتقـك وتبوسـه

وهذي مشيتك اللي من صغرك ما غيّرتيهـا
هالبشر يخجـل يضـر القـاع والاّ يدوسـه

الجمـادات الـرذاذ .. تهمـس لا مرّيـتـي
مرحبـا يالناعـس المحشومـه الطاووسـه

قولي والله انك انتي معي ! ماني مصـدّق !
لا تلوميـن الحـواس الشـرّد المهـووسـه

كل ما غنى لـي الغيّـد بصـوت مواصـل
شلّهـا قلبـي وركّبهـا عـلـى منكـوسـه

صـورةٍ فـي البـال لـك كم عام تتخيّلهـا
أقرب احيانـاً مـن المحسوسـه الملموسـه

وانتي لـو مـا كنتـي فيـدّي ولا كنتي لـي
لحظتك عن عام .. كـل ليلـه مـع عوسـه

لانّـك الأفخـم إسـم .. والأبسـط انسانيّـه
ولانّك الوجه التقي .. والطيبـه المغروسـه

ولانّي أحبك محبة عمق .. مـا هـي نـزوه
أسمى من حب الجسـد .. وأهل الهوى ونجوسـه

يا أنيقه .. آسـف بشـدّه علـى هالحوسـه
لهجتي تشبـه كثيـر أوضاعـي المحيوسـه

مـا سألتـك ليـه جيتينـي .. ولا ضيّفتـك
ما ابي أخرّب على جو الوصـل وطقوسـه

ليه جيتي؟ أسألك .. وانا اعرف وش جابـك
طاب شجر الغاب والحطّـاب قـرّب فوسـه

لا تقولين اني أرخصتك .. وانا ما ارخصتك
ولا تقوليـن اشتـراك المشتـري بفلـوسـه

ولا تقولين ان هالمره .. هـي آخـر مـره
اتركي لي حلـم بعـد احلامـي الميئوسـه

انا شاعر .. حلمه اللي سـوّا منّـه شاعـر
الذهـب والعالـم الجديـد .. دم ضروسـه

يا أنيقه .. لو خذوك وسافـروا بـك عنـي
الارض صدري .. والسفر من قوسه ليا قوسه

ليت صيت الجد مـا ينفـع سخيـف احفـاده
وليتها هالحيـن وان الكـل شـارب موسـه

وليت .. نقطه نقطـه نقطـه نقطـه نقطـه نقطه
ما ابي أغلط في الزمـن والعالـم المنفوسـه

ما اعرف شـ اقول .. ولا اعرف ويش اسوّي
الحزن .. طلّت من ابـواب الليالـي روسـه

انسي كل اللـي حصـل هاللحظه وضمّينـي
يا خسارة عمري اللـي راح ويـا ناموسـه

والله ان امه دعت لـه تحـت بـاب الكعبـه
واحدٍ حطّـك فـي بيتـه يالغـلا عروسـه



تحيـــــــــاتي للجميـــع