أجمل هدايا القدر **روايتي الاولى**

روعه يا ريومه

ننتظر البارت الخامس

آآآآآآآآآآآسفه ع التأخيييييير




الـــــــــــبــارت الـــخــــــامـــــــس*5







ونزل من السياره جارهم وعمره تقريبا سبعه وعشرين سنه نزل وقفل سيارته وانتبه لشوق واقفه قدام الباب وشكله كان يدري ان الكهرب طافي فقال لها :

ايش ما يردون اهلك ع الباب ؟

فقالت له :ايه مايردون لي فتره ادق ومحد يرد علي

فقام وطلّع جواله وقال :ايه مستحيل يردون لان الكهرب طافي اسمعي خذي جوالي ودقي عليهم

ترددت شوق من انها تاخذ جواله حست بالاحراج بس في النهايه اخذته وتحاول تتذكر رقم امها بس ما قدرت تتذكره وتقول في نفسها :انا لله وش ذا الورطه اخاف ادق على رقم يطلع غلط مامعي الا ادق على رقمي ان شاالله ينتبهون له لانه تحت مخدتي

وقامت تدق مره واثنين وثلاثه والرجال واقف ينتظرها تخلص تمنت شوق لو الارض تنشق وتبلعها

وبعد انتظار طويل رد اخوها اللي عمره ست سنوات عليها

فصاحت عليه وقالت :هيه سعد طاعون اطلع افتحلي الباب بسرعه انا شوق

وقفلت واعطت جارهم جواله وهو بيموت من الضحك على انفعال شوق الزايد

وقالت له :تسلم يا عم والله ماكنت ادري ايش اسوي من دون مساعدتك

فقال :عم مره وحده ماكأنك مكبرتني شوي ...الله يسلمك ماسويت الا الواجب

وجلس علي ينتظر شوق الى ان دخلت البيت ..

وفي اليوم الثاني راحت شوق وعلمت صديقاتها عن اللي صار لها

فقالت لها ميعاد :طيب هو سواد والا لا ؟؟

شوق : ايه سواد بس مو مره ,طويل شوي واسمراني بس ملامحه ملكيه وما انسى نظّاراته تجنن ومتوظف وظيفه محترمه في مؤسسة النقد

أزل :طيب انتي مسحتي رقمتس من عنده ؟

شوق :لا والله نسيت يوم شفته يضحك على كلامي ضيعت علومي

بسمه :الله الله صرتي تقولين قصايد شكله اعجبك ودخل مزاجك

شوق : لالالا مستحيل افكر فيه

ريم :ليه ما تقولين انه حلو وأخلاقه حلوه

شوق :ايه مايعيبه شي بس هو متزوج

ميعاد :هييييييييييييي <<شهقه.. اما متزوج من جد قلق

شوق :ايوالله ماكسر ظهري غير انه متزوج

بسمه :طيب كيف زوجته ؟؟

شوق : ماعليها عاديه ماهي حلوه هو احلى منها وهي عصبيه مره ونفسها على طرف خشمها تخيلوا يوم عزمناهم عندنا قالت لامي والله لو ان علي ماحلف علي عشان اجيكم كان ماجيت وقالتها بكل وقاحه انا ارتفع ضغطي ,هي من النوع اللي تهتم بشغل البيت قبل كل شي وما تحب الطلعات والدخلات ايه تذكرت مره امي كانت تتكلم عنها وسمعت انها اكبر منه بثلاث سنوات تقريبا

ريم :لالالالا مادام انه متزوج انسيه ولا تحطينه ف بالش

شوق: ايه وانا قلت كذا

ازل :طيب امكن ما يكون مرتاح معاها والا مغصوب عليها ويوم شافك دخلتي قلبه

شوق : اقول لا يكثر اللي تقولينه مستحيل اللي سواه شي عادي ليه نفسره بتفاسير مالها داعي , عادي الجار للجار



ومرت الايام وجا يوم عيد ميلاد ميعاد

وقالت ميعاد: يا بنات بكره "ماي بيرث داي " لا تنسون اوك ؟

فقالوا لها :اوك مستحيل ننسى ونسوي فطور بكره ونجيب الهدايا وكل وحده تجيب معاها شي

فقالت ميعاد: حتى انا ؟؟

قالت لها بسمه :ايه حتى انتي جيبي بس فطاير فطايرك تجنن

ميعاد : طيب ابشروا من عيوني احلى فطاير

وفي اليوم الثاني وقتت ميعاد جوالها على الساعه ثلاثه ف الفجر عشان تقوم وتسوي الفطاير اللي يحبونها صديقاتها وقامت تخبز وتحشي وما خلصت الا وقد تعبت من الجهد الزايد وغلفتها و وراحت تلبس لان الباص قرب يجي

ركبت ف الباص وما لقت أزل دورت عليها بس شكلها ما ركبت ف الباص فقالت ميعاد في نفسها:اكيد ان ازل بتروح مع ابوها لانها خايفه على صينية ورق العنب والهديه لا تخرب من سواقة ذا السواق المصفي (على فكره هذا السواق ما قد حصل في البشريه كلها هو لسا شباب ويسوق سواقه هستيريه قد شفتوا احد يفحط بباص حكومي اصفر وطويل ومافي لا احزمه ولا شي يمنع البنات ما يتقلبون وسط الباص من جهه لجهه ومع ذالك كان يلقى سب وشتم بس كان يصبر على ذا البنات الجحلط بس اللي كان معجبهم الحال هم ازل وميعاد وشوق كانت سواقته تعجبهم ويقولون مافي مثل سواقنا ويقولون للبنات الباقين ف الباص :والله لا نشوف وحده تشتكي على السواق وربي لتندم, واسم هذا السواق عبد الرحمن )

نرجع لمحور حديثنا وصلت ميعاد للمدرسه وطلعت للفصل وحطت حافظة الفطاير في الدرج ونزلت الساحه ,دق الجرس وصفوا طوابير وصفت ميعاد لحالها انتظرت صديقاتها بس لسى ما جاو طلعت للفصل وجلست تنتظر وتنتظر مرت الحصه الاولى والثانيه وما في أي احد كل صديقاتها غايبين أزل وشوق وريم وبسمه كلهم ماهم موجودين

ميعاد في نفسها: وش ذا مسوين علي مقلب انا ميعاد اطيح ف مقالبهم

ومرت الحصص وميعاد بتنفجر من القهر والله لو انها تقابل وحده منهم كان احتفلت فيها ضرب والمعلمات انتبهوا لميعاد لدرجة ان وحده من المعلمات قالت لها :

وش فيك يا ميعاد طفشانه كل ذا عشان صديقاتك غايبين ؟

ميعاد وهي مقفله معاها : لا......

المعلمه : طيب اطلعي حلي ذا المسأله على السبوره

فردت عليها ميعاد وهي ماهي طايقه نفسها : ما ابغى

زعلت المعلمه وقالت لها :طيب وش جابك للمدرسه مدامك ما تبغين كان نمتي ف البيت احسن

ميعاد : كيفي احضر أغيب بكيفي اظن انها مدرسة الحكومه الله يعزّها

المعلمه :طيب اطلعي برا بسرعه ما ابغاك ف حصتي

قامت ميعاد ونزلت راسها على الطاوله ودقتها نومه وما عطت كلام المعلمه وجه

ومشت الحصص الى ان جات الفسحه وطلعت تمشي لوحدها ومعاها حافظة الفطاير وهي مليانه طفش

فجات وحده من البنات عند ميعاد وقالت لها :

ايش قومتس و الله كأنتس عجوز مضيعتن غنمها



ميعاد : لا والله درجي من قدامي احسن لتس يلعن ابو القطه يا شيخه



وراحت ميعاد وجلست في وحده من الزوايا وقامت تاكل فطايرها لحالها كانت ف حالها يرثى لها بس حقدت على صديقاتها حقد ما يطفيه الا مقلب اقوى منه ..........

وجا اليوم الثاني وداوموا البنات كلهم حتى ميعاد داومت عشان تقابل اهل المقلب

ويوم شافوها قاموا يضحكون ويقولون :ها كيف شفتيلنا المقلب؟؟

ردت عليهم ومسويه نفسها حزينه :ليه يا سامجين جبت لكم فطاير وانتظر هداياكم لي وتسوون فيني كذا

ريم : والله ما كنا ندري انش بتزعلين جبنالش الهدايا اليوم بس اعذرينا ما قدرنا نطبخ لش أي شي

شوق: شوفي ايش جبتلش ......ترااااام احلى بروش ولونها اسود مثل ما تحبين وكل عام وانتي بخير يا حياتي

ميعاد :الله تجنن الله لا يحرمني منتس وانتي بالف خير

بسمه :ايش تتوقعين جبتلك يا ميمي؟؟

ميعاد : والله ما ادري امكن بلاك بيري ؟

بسمه :لا اما بلاك بيري بعيد عن خشمك جبتلك ذا النظارات الايطاليه بتجي حلوه عليك وعقبال المية سنه

ميعاد :اماااا وااااااي حركااات بأكشخ بها ف الساحه الله يسعد بطتي يا ناااس كم احبتس

ازل: سنه حلوه ياجميييييييييييل

ميعاد : ايه ايش جبتيلي يا زيزي؟؟ اكيد انه شي يغطي على اللي جابوه كلهم

أزل : شوفييييييي احلى ثوب عسيري يالله لقيت شي على مقاسك يالطويله اشتريته من الثلاثاء مول ههههههه قلتلتس انا غيرهم كلهم

ميعاد : اهمممم ثوب عسيري مره وحده ليه كلفتي على نفستس كان جبتي هيل وسطه خمسين ريال ارخص هاتي اشوفه... وش ذا اللي وسطه ؟؟ امااااااااااااا وااااااااااي اموت فيتس يا زيزي

ازل : ايه تموتين فيني بعد ما شفتي الآي بود والله اني اجمع قيمته من زمان عشان اجيب لتس احسن نوعيه يا بعد حالي كم ميمي عندي ؟

ميعاد :الله كيف يجي شكلي وانا لابسه ثوب عسيري ومعاي آي بود لاتعليق ههههههه

ريم : الله يهنيش يا ميمي بس لسوء حظي يوم ميلادي في رمضان يعني ما رح يجيني ما جاش المهم هاذي هديه بسيطه من قلبن يحبش اكشخ دبدوب وربي انجنيت فيه يوم شفته يسحر قلت الا اجيبه لميمي حياتي وكل سنه وانتي بصحه وسعاده

ميعاد :الله يزنن يا ناس الله يقدعه <<تتغنج على الدبدوب

تسلمين يا ريمو وتسلمون لي كلكم الله لا يحرمني منكم

طيب خلونا بكره نجيب فطور محترم يجمد ع الشارب وش رايكم ؟

البنات كلهم:خلاص مافي مشكله

قالت بسمه :انا باجيب العصير

وريم بتجيب القهوه , وشوق تجيب الحلا وازل تجيب ورق العنب اما ميعاد تسوي الفطاير مره ثانيه

فوافقوا البنات على كلام بسمه وجا اليوم الثاني وريحة الاكل منتشره ف الفصل كله كانوا ينتظرون الفسحه عشان ياكلون اللي جابوه وكانت الحصه الثالثه ف المكتبه

وراح الفصل كله للمكتبه فطلعت ميعاد من الحصه على اساس انها بتروح لدورة المياه

بس راحت للاداره وقالت لهم انها تعبانه وعندها مغص ولازم تتصل على ابوها ولما اتصلت عليه قالت له يجي وياخذها .. ورجعت للمكتبه وجلست مع البنات ولا علمتهم باللي قالته ف الاداره وقبل لا تنتهي الحصه الثالثه بعشر دقايق طلعت وحده من الاداريات ونادت ميعاد وقالت:ميعاد روحي خذي اغراضك ابوك جا

استغربوا البنات وسألوها ايش فيه ؟

فقالت لهم :ما ادري الله يستر

أزل :ههههاي راح عليك الفطور لا تاخذين الفطاير معتس خليها عشان ناكلها

فقالت ميعاد :ابشري من عنوني

وراحت ع الفصل و طلعت كيس كبير جابته من البيت وحطت فيه كل الاغراض اللي جابوها البنات من ورق عنب و صينية الحلا والقهوه وحتى العصير وما بقت لهم الا الملاعق والفناجيل وطلعت على ابوها استغرب ابوها من ذا العفش اللي تجره معاها

رجعوا البنات للفصل ومالقوا أي شي قاموا يدورون هنا وهناك وشوي الا وشوق تصيح وتقول :يا بنات شوفوا ايش لقيت هنا

لقت ورقه مكتوب عليها " ايه احسسسسسسن تعيشون وتاكلون غيرها انا حلفت لاسوي فيكم مقلب اقوى من مقلبكم احمدوا ربكم اني بقيت لكم الملاعق فيها ريحه من الحلا خخخخخخخخخخخخخخخخخخخخخخخخخخخخخخخخخ طعم ورق العنب والحلا جناااان احوبكمممممممممم "

قاموا البنات يتحلفون فيها وقدهم بيموتون من القهر وحسوا بالاحساس اللي حست به ميعاد وكانت ازل تضحك وتقول : هههههههه قويه وربي قويه يا ميمي والله انتس خطيره



كان اليوم يوم الاربعاء وتوادعوا البنات بعد المقلب اللي سوته فيهم ميعاد وتقابلوا يوم السبت يوم قابلت أزل البنات قالت لهم :يا بنات تعالوا تجمعوا عشان أقولكم ايش صار يوم الخميس اللي فات

ريم :خير وش صار ؟؟

ازل: اسمعوني زين ولا اشوف أي وحده تقاطعني

اتصلوا علينا عمان امي عشان نطلع نتغدى احنا واياهم في وادي يجنن فيه غيّال وخير وخضره انا تحمست عشان ذا الشي وعشان أشوف نايف اللي كلمتكم عنه

رحنا في المكان اللي قالوه وجلسنا نسولف ونضحك وبعدها جا الغدا شي شي يا بنات غدا عالمي الرجال ف الطلعات عليهم طبخ خطير وبعد الغدا راحوا النسوان يتمشون ف الوادي بس انا قلت باقعد شوي وبألحقكم وجلست على آي بودي شوي اسوي فيه شويه تعديلات شوي الا وبنت اخو نايف الصغيره جات عندي وقالت لي ............







انتهى البارت الخامس وياليت تتحفوني بآرائكم وتعليقاتكم





لي بااااااااااااااااااااك مع البارت السادس

روووعه يا ريما

وما زال التشويق مستمرا

ننتظرك

روووووعه

نستناك مع البارت السادس

لا تطولييين

وين البارت السادس

يـــْـلآ عـآد متــِحمسين حــَدنـآ

ننتـُطرك خيــتِو

قموورة..}

ترتبط دوما الذكريات بملامح حياتنا ، لذا هي تلبس ثوب تلك الملامح، لكن الأمر لا ينفصل عن حاجتنا لهذه الذكريات لمواجهة عالم بدأ يختلف حتى في طريقة السلام والتحية.
وهنا، يبدو التعاطي مع هذه الذكريات حنينا واحتجاجا في نفس الوقت.
لكن أصعب ما سنواجهه إننا بهذه الذكريات قد نستمتع بتأجيج الحنين لكن الأمل هو من يجعل لمواصلتنا الطريق، هدف هو سر احترامنا لأنفسنا.
كان قلمك هنا رقيقا على الورق عميقا على المتلقي، وهنا للأبد

واصلي كتاباتك ياأحلى ريومه ربي يسلم يدك ويعطيك ألف عافيه

تحياتي
.....وحيدة كالقمر.....

ريما

متحمسين ترين

وين الجديد

تسلم ايدها بسمه

والله انهم فله هالبنااات

علي ليش يسوي كذا اكيد الحين بيطيح من عيون شوق ؟

بانتظار القادم والى الامااام

واو ريووومه
مررره روعه
لا تطوين في البارت الجاي
مره تحمست
لا عدمنا ابداعاتك

رووووووووووووعه
عيني عليك بارده ياريومه
ربي يسلم يدك با انتظار البارت الجاي
لا تطولين علينا
يعطيك الف عافيه

يسلموا على البارت

مشووووق

مشكورة جدا جدا ع الطرح الرائع

الرواايه مررررة حلوة وخصوصا اانها منا وفينا


تقبلي مروري

ننتظر جديدك

ربي يسلم يديك ويعطيك الف عافيه
وربي انك مبدعه
با نتظار البارت الجاي
تحياتي
.....وحبدة كالقمر......